د مهاجرينو وزير د زندانونو چارو د تنظيم ادارې له مرستيال سره ليدنه وکړه
د مهاجرينو او راستنېدونکو چارو وزير او د بنديانو د برسۍ د پلاوي غړي الحاج خليل الرحمن حقاني د زندانونو چارو د تنظيم اداري له مرستيال لوی پاسوال قاري حبيب الله بدري سره په خپل کاري دفتر کې ليدنه وکړه.
په دغه ليدنه کې لوی پاسوال بدري دهغه کړنو په اړه، چې د زندانيانو د وضعيت د ښه والي په موخه تر سره شوي معلومات ورکړ ويې ويل، چې د دغه ادارې چارواکو او کار کوونکو په خپلو هڅو سره د زندانونو د لا ښه والي او زندانيانو ته د ښو شرايطو په برابرولو کې خپلې هڅې جاري ساتي.
د مهاجرينو چارو وزير د زندانونو چارو ادارې کړنې ګټورې وبللې له دوی څخه يې مننه وکړه او زندانيانو ته يې د لا ښوشرايطو د برابرولو په موخه لازمې لار ښوونې وکړې.
