د مهاجرینو او راستنېدونکو چارو وزارت پلاوي د تخار ولایت سیلاب ځپلیو کورنیو سره د غمشریکۍ په پار یاد ولایت ته سفر وکړ.
د کډوالو او راستنېدونکو چارو سرپرست وزیر الحاج خلیل الرحمن حقانی د لارښوني پر اساس د بیا ځلې میشتېدنیې ریېس مولوي شکر الله شاکر په مشري یو پلاوي د غبرګولې د میاشتې په ۲۴مه تخار ولایت ته سفر کړی څو هلته د سیلاب ځپلو کورنیو سره غمشریکې وکړی او هغوي ته د وزارت پیغام ورسوی.
پلاوي د یاد ولایت د مهاجرینو چارو ریاست له رئېس شیر احمد انوری سره تر لیدنې وروسته، د د دایمې میشتېدنې په اړه د ذیربط اداراتو سره پر ګډه د یوي مشترکی کمیټې په رامنځ ته کولو بحث وکړ.
وروسته پلاوی د یاد ریاست له کارکوونکو سره وکتل د هغوي ستونزی او مشکلات یې واوریدل او د قرآني آیتونو په رڼا کې یې په ادارې او ورځنیو چارو کې هغوی ته د صداقت او امانت دارۍ په اړه سپارښتنې او لازمې لارښوونې وکړی.
یاد پلاوی د بهارک ښار څخه لیدنه وکړه او د مهاجرینو ریاست سره په همغږۍ یې د تخار له والی مولانا عبیدالله امین زاده سره وکتل او د سرپرست وزیر له لورې یې د خواخوږۍ پیغام هغه ته ورساوه او تر څنګ یې د یاد ښار د اوبو د ستونزو په اړه خبرې وکړې.
د تخار والی دغه ولایت ته د پلاوی د سفر ستاینه وکړه او د بیرته راستنیدونکو او بې ځایه شویو خلکو د ستونزو په اړه یې خبرې وکړې او د دوي د همیشنۍ میشتېندنې لپاره یې د اړوندو ریاستونو په ګډون د یوې مشترکې کمیټې په جوړولو خبرې وکړې.
