د عالیقدر امیرالمؤمنین د هدایت پر اساس له پاکستان څخه د راستنیدونکو مهاجرینو لپاره کمیسیون جوړ شو
د اسلامي امارت د زعیم عالیقدر امیر المؤمنين شیخ الحدیث مولوي هبة الله اخندزاده حفظه الله د ځانګړي هدایات له مخې نن ورځ دوشنبه د ا.ا.ا رئيس الوزراء محترم الحاج ملا محمد حسن اخند.په مشري د اړونده وزارتونو له وزيرانو سره غونډه ترسره شوه.
په غونډه کې په پاکستان هیواد کې د افغان مهاجرينو پر موجوده وضعيت بحث وشو او د ترلاسه شویو معلوماتو او راپورونو په رڼا کې د جاري ستونزو او مشکلاتو پر حل لارو تفصيلی خبرې وشوې او له پاکستان هیواد څخه د راستنېدونکو مهاجرينو مشکلاتو ته د پر وخت رسیدو او د اړونده ادارو د چارو د ښه تنظيم په موخه یو کمېسيون جوړ شو.
د یاد کمیسیون د فعالیتونو د انسجام او شفافیت په هدف، د ریاست الوزراء د اداري مرستيال محترم مولوي صاحب عبد السلام حنفی په مشري یوې کمیټې ته دنده وسپارل شوه، تر څو ياد کمېسيون ته په عاجله توګه طرز العمل جوړ کړي، چې له مخې یې د اړونده ادارو چارې په ښه توګه تنظيم او تر منځ يې د لا زیاتې همکارۍ او همغږۍ روحیه او فضاء ایجاد شي.
