بلخ کې د راستنېدونکو او بېځايه شوو يو ښوونځي کټې اخيستنې ته وسپارل شو
د بلخ ولايت د برګيت ولسوالۍ په نهر شاهي سيمه کې د راستنېدونکو او داخلي بېځايه شوو يو منځنی ښوونځي چې د کډوالو او راستنېدونکو چارو وزارت په مشرۍ جوړ شوی و شنبه د زمري ۱۶مه ګټې اخيستنې ته وسپارل شو.
د دغې ښوونځي د پرانيستې په مراسموکې د کډوالو او راستنېدونکو چارو وزارت د پالېسۍ او پروګرامونو د پلي کېدو مرستيال شېر علم امله وال، ورسره پلاوي، دبلخ ولايت سيمه ييزو چارواکو اود المان هېواد نړيوالو همکارانو شتون درلود.
د برګيت سيمي منځنی ښوونځی ۱۶ درسي خوني او اداري خونه لري، چې د ټولو وسايلو سره دالمان هېواد دهمکاريو نړيوالې ادارې GIZ له لوري جوړشو او ددې پروژې دکاري جريان څخه د بلخ ولايت دکډوالو او راستنېدونکو چارو رياست څارنه کړې.
د پرانيستي پرمهال امله وال د بېځايه شوو ماشومانو او راستنېدونکو لپاره د زده کړې چمتوکولوباندې ټينګار وکړ ويې ويل: دهېواد وده او پرمختګ مستقيم دښوونځيو او پوهنتونونو د ودې پورې اړه لري، زه د سيمې دخلکو غواړم چې دوطن د سوکالۍ او د ملت او هېواد روښانه راتلونکي لپاره ماشومان په ښوونځيوکې شامل کړي.
همدارنګه د بلخ ولايت دکډوالو چارو رئيس په خپلو خبروکې د GIZ دفتر څخه مننه وکړه چې د راستنېدونکو او بېځايه شوو لپاره يې ښوونځي جوړ کړ او د سيمې او دښوونځي دمسؤلينو څخه يې غوښتنه وکړه چې دښوونځي په ساتنه کې پوره همکاري وکړي.
