د کډوالو او راستنېدونکو چارو زویر محترم مولوي عبدالکبیر د بشري مرستو د همغږۍ په برخه کې د یوناما له مرستیال برونو لیمارکي او مل پلاوي سره وکتل.

anwari_morr
چهارشنبه ۱۴۰۵/۷/۱ - ۱۵:۱۱
-

په دې ناسته کې د یوناما مرستیال برونو لیمارکي وویل، چې د ملګرو ملتونو د اړوندو ادارو استازو بېلابېلو ولایتونو ته د سفر په ترڅ کې د راستنو شویو د ژوند وضعیت ارزولی او د اړتیاو په هکله یې معلومات راټول کړي دي.

د ښاغلي لیمارکي په وینا چې د راستنو شویو د مېشتېدنې په موخه د نړیوالو بنسټونو او د اسلامي امارت د ادارو ګډ کار ته اړتیا ده او یادونه یې وکړه، چې دا مهال د ملګرو ملتونو بنسټونه زرګونو اړمنو کورنیو ته مرسته رسوي او اړتیا ده چې دغه لړۍ پراخه شي.

نوموړي د خبرو پر دوام څرګنده کړه، چې نړیواله ټولنه باید د افغانانو اړتیاو ته پام وکړي او یادونه یې وکړه، چې یوناما چمتو ده، څو د راستنو شویو د ستونزو د حل په برخه کې له اسلامي امارت سره په تخنیکي برخو کې همکاري وکړي. ښاغلي لیمارکي په بشري برخو کې پر ګډ کار ټېنګار وکړ او ځينې وړاندېزونه یې شریک کړل.

محترم مولوي عبدالکبیر د یوناما مرستیال او ورسره مل پلاوي ته ښه راغلاست وویل او له افغانانو سره یې په بېلابېلو برخو کې د ملګرو ملتونو له مرستو مننه وکړه.

محترم وزیر زیاته کړه، چې اسلامي امارت د راستنو شویو ستونزو ته د رسیدنې په موخه ګڼو ادارو ته دندې سپارلې دي او اسلامي امارت د یوناما د همکاریو او مرستې هرکلی کوي.

د محترم وزیر په وینا چې زرګونو راستنو شویو کورنیو ته د مرستې رسولو لړۍ روانه ده او د مرستندویه بنسټونو د مرستو غوښتنه یې وکړه.

دغه راز محترم مولوي عبدالکبیر یادونه وکړه، چې د زرګونو داخلي بیځایه شویو کورنیو د لېږد لپاره پلان د عملي کېدو په حال کې دی.

د ناستې په پای کې محترم وزیر زیاته کړه، چې د ملګرو ملتونو د ادارو د کار لپاره اسانتیاوې رامنځته شوې دي او د یوناما وړاندېزونه یې مهم وبلل.

تازه خبرونه

شنبه ۱۴۰۵/۸/۳۰ - ۱۵:۱۲
Background image

د مهاجرینو چارو وزیر د فراه له والي سره وکتل

د مهاجرینو او راستنېدونکو چارو وزیر محترم مولوي عبدالکبیر نن په خپل کاري دفتر کې د فراه له والي محترم ملا محمد حافظ مجاهد سره وکتل.
په پیل کې محترم ملامحمد حافظ مجاهد په فراه کې د. . .
شنبه ۱۴۰۵/۸/۳۰ - ۱۵:۱
Background image

د مهاجرینو چارو وزیر د بغلان ولایت له یو شمېر علماوو او مسوولینو سره ولیدل

د مهاجرینو او راستنېدونکو چارو وزیر محترم مولوي عبدالکبیر نن په خپل کاري دفتر کې د بغلان ولایت له یو شمېر علماوو او مسوولینو سره ولیدل.
په دغې لیدنه کې د بغلان ولایت علمای کرامو او. . .
چهارشنبه ۱۴۰۵/۸/۶ - ۱۴:۰
Background image

د مهاجرینو چارو وزارت او یوناما ترمنځ د راستنو شویو او بېځایه شویو د پالیسیو او لارښودونو نهايي کولو په اړه مشورتي ناستې وشوې

د وزارت د پلان او پالیسۍ او دایمي حل‌‌لارو موندنې رییسانو او د افغانستان لپاره د ملګرو ملتونو مرستندویه پلاوي(یوناما) د دایمي حل‌‌لارو سلاکارې اغلې فرحانه سټوکر ترمنځ ګډې مشورتي ناستې. . .

بېرته خبرونه ته