له اسلامي نظام پرته بل هیڅ نظام ته په افغانستان کې اجازه نه ورکوو
د پکتیا ولایت جهادي مدرسې د فراغت په غونډه کې د مهاجرینو او راستنېدونکو چارو وزارت سرپرست الحاج خلیل الرحمان حقاني وویل: مدرسې او مسجدونه د اسلام مرکزونه دي، ساتنه او تقویه کول یې زمونږ د ټولو مسولیت دی
نوموړي له علماو وغوښتل، چې په مدرسو کې دې د نورو دیني زدکړو ترڅنګ زده کوونکو ته جهادي فکر او نظامي زدکړې هم ورکړي، ترڅو د اسلام او هېواد د دفاع لپاره هروخت چمتو وي
ښاغلي حقاني د کلیوالي مدرسو په تقویه کولو ټینګار وکړ او غوښتنه یې وکړه، چې اسلامي امارت دې خپله توجه لا ورته زیاته کړي
په غونډه کې د مهاجرینو چارو وزیر راستنو شوو مهاجرینو لپاره هم له ولسونو وغوښتل، چې د بسترو، سون توکو او خوارکي موادو په برخه کې ددوی لاسنیوی وکړي
