په کابل او ولایتونو کې سروی او مرستې باید د وزارت سره په همغږۍترسره او لا هم پراخه شي
1400کال، تلې 15مه، کابل: افغانستان
د کډوالو او راستنېدونکو چارو وزارت مالي او اداري مرستیال محمد ارسلا خروټي نن په کابل او ولایتونو کې د ملي او نړیوالو مرستندويه سازمانونو له استازو سره ناسته وکړه.
په دغه ناسته کې ښاغلي خروټي وويل: د مرستو سروې او ویش بايد د کډوالو وزارت او ددې وزارت اړوندو رياستونو سره په همغږۍ ترسره او تنظيم شي.
هغه زیاته کړه، اوس مهال د الله (ج) په فضل په ټول هېواد کې امن دی او د ټولو بې ځايه شويو کډوالو سروی او د مرستو وېشلو لړۍ بايد په شفاف ډول ترسره شي.
هغه له ټولو مرستندويه ادارو وغوښتل, چې د ژمي سړې هوا تر رارسېدو وړاندې ټولو اړمنو او بې ځايه شويو کورنيو ته مرستې ورسوي.
د کډوالو او راستنېدونکو چارو وزارت مالې او اداري مرستیال د ټولو راغلو موسسو استازو ستونزې واورېدې او ډاډ يې ورکړ، چې د دوی ستونزو به ژر تر ژره حل شي.
هغه وويل: يو کميسيون به رامنځته کړي, ترڅو له ټولو موسساتو سره قراردونه وڅېړې او ستونزو ته يې په وخت رسيده ګي وشي.
