د ADF چارواکو د دغه دفتر پلانونه د کډوالو او راستنېدونکو چارو وزارت د پالېسۍ او پروګرامونو د پلي کېدو معين ته وړاندې کړل
د کرنې د پراختيا وجهي صندوق (ADF) يوشمېر چارواکو د دغه دفتر برنامې او پلانونه چې راستنېدونکو او بېځايه شوو لپاره يې په نظر کې لري د کډوالو او راستنېدونکوچارو وزارت د پالېسۍ او پروګرامونو د پلي کېدو مرستيال شېر علم امله وال ته وړاندې کړل.
د کرنې دپراختيا وجهي صندوق په پام کې لري هغه افغان کډوالو يا بېرته راستنېدونکوته چې په افغانستان کې د زراغت په برخه کې فعاليت کوي د اسلامي پورونو زمينه برابره کړي.
ښاغلي امله وال د کډوالو او راستنېدونکو چارو وزارت سره د همکارۍ لپاره د دفتر د رضايت ستاينه وکړه، دا پروژه يې يوښه عمل او بېرته راستنېدونکو لپاره د هڅونې په توګه ياده کړه.هغه ژمنه وکړه چې د تخنيکي ناستو وروسته به د وزارت وروستۍ پرېکړه له دغه ادارې سره شريکه کړي.
