د کډوالو په چارو کې د ملګرو ملتونو د عالي کمېشنرۍ مرستیاله: د بودیجې له زیاتوالي سره به له کډوالو سره مرستې زیاتې شي

anwari_morr
دوشنبه ۱۴۰۵/۲/۱۴ - ۱۵:۱
-

پورته ټکی د کډوالو په چارو کې د ملګرو ملتونو د عالي کمېشنرۍ(UNHCR) مرستیالې اغلې وینسا مټر بولي د مهاجرینو او راستنېدونکو چارو وزارت د دفتر رییس ښاغلي سعید احمد بنوري سره په لیدنه کې بیان کړل.
په دغې لیدنه کې دواړو لوریو د افغان کډوالو پر وضعیت، شته خنډونو او راستنو شویو ته د خدمتونو پر ښه‌والي خبرې وکړې.
ښاغلي بنوري وویل: په دې وروستیو کې له ګاونډيو هېوادونو ډېر کډوال راستنېږي، هغوی له بد حالت سره مخ دي، پاکستان یې په زور رابهر کوي، ګواښي یې، حقونه یې تر پښو لاندې کوي او بندي کوي یې. ښايي د راستنېدو لړۍ لا ډېره شي؛ نو باید پوره چمتوالی ور ته ولرو.
هغه د کمېشنرۍ له مرستیالې وغوښتل، تر څو په سرحدونو او فرضي کرښو کې راستونو شویو ته ډېرې اسانتیاوې برابرې کړي، باید د هغوی راستنېدنه په تدریجي، خپله خوښه او عزتمنده توګه ترسره شي. اسلامي امارت په پوره هوډ له هغوی څخه ملاتړ ته ژمن دی.
بل لور ته اغلې مټر بولي د کمېشنرۍ د بودیجې له زیاتوالي خبر ورکړ او ویې ویل: د مهاجرینو چارو وزارت کاري لومړیتوب یې په پام کې نیولی، تر څو په راتلونکي میلادي کال کې راستنېدونکو ته ډېرې مرستې چمتو شي.
هغې ډاډ ورکړ، چې دغه کمېشنري به له کډوالو څخه خپل ملاتړ ته دوام ورکړي او د هغوی د ستونزو حل کې به لا ډېرې هڅې وکړي.
د لیدنې په پای کې دواړو لوریو د همغږۍ پر دوام، په خپله خوښه د کډوالو راستنېدنې اسانول او د ښو خدمتونو پر وړاندې کولو ټینګار وکړ.

تازه خبرونه

چهارشنبه ۱۴۰۵/۸/۲۰ - ۱۴:۹
Background image

ترکیې ته د مهاجرینو چارو وزارت تللي پلاوي د خپل سفر راپور د مهاجرینو چارو له وزیر سره شریک کړ

ترکیې ته د افغان کډوالو ستونزو د حل په موخه د مهاجرینو چارو وزارت د مقام دفتر رییس ښاغلي مولوي سعید احمد بنوري پر مشرۍ، د یاد وزارت او بهرنیو چارو وزارت تللي ګډ پلاوي نن د خپل سفر راپور. . .

سه‌شنبه ۱۴۰۵/۸/۱۹ - ۱۵:۵۶
Background image

د مهاجرینو چارو وزیر د لغمان له مرستیال والي سره وکتل

د مهاجرینو او راستنېدونکو چارو وزیر محترم مولوي عبدالکبیر نن په خپل کاري دفتر کې د لغمان له مرستیال والي ښاغلي حافظ انځیرګل عبدالله سره وکتل.
په دغې لیدنه کې، چې له ښاغلي عبدالله سره د. . .

یکشنبه ۱۴۰۵/۸/۱۷ - ۱۳:۳۹
Background image

د مهاجرینو چارو وزیر په جلا ناستو کې د خوست د ګربز او موسي خېلو ولسوالیو له قومي مخورو او علماوو سره وکتل

د مهاجرینو او راستنېدونکو چارو وزیر محترم مولوي عبدالکبیر نن په خپل کاري دفتر کې په جلا ناستو کې د خوست د ګربز او موسي خېلو ولسوالیو له قومي مخورو او علماوو سره وکتل.
د پیل په ناسته کې. . .

بېرته خبرونه ته