د کډوالو او راستنېدونکو چارو وزارت د اسلامي امارت د زعیم امیر المومین شیخ هبت الله حفظ الله د لارښوونې پر بنسټ له ایران څخه د هغو راستنو شوو له کورنیو سره نقدي مرسته وکړه، چې د هرات-کندهار پر لویه لار په ترافیکي پیښه کې شهیدان شوي وو.
د کډوالو او راستنېدونکو چارو سرپرست وزیر محترم مولوي عبدالکبیر د هرات-کندهار پر لویه لار په ترافیکي پیښه کې د شهیدانو شوو راستنېدونکو د کورنیو له غړو سره په لیدنه کې د یادې پېښې په اړه خپله غم شریکې وړاندې کړه او د شهیدانو د کورنیو سرپرستانو ته یې نقدي مرسته وسپارله.
محترم وزیر وویل، چې د اسلامي نظام رهبرۍ او هر یو کارکوونکی د راستنېدونکو حالت ته متوجه دی او خپل امکانات له اړمنو هېوادوالو څخه نه سپموي.
محترم مولوي عبدالکبیر د راستنو شوو شیهدانو له کورنیو سره په لیدنه کې هغوی ته ډاډ ورکړ، چې د اسلامي امارت اړونده ادارې له راستنو شوو سره د لاډېرو مرستو هڅه کوي
