د همکارۍ دوه هوکړه لیکونه لاسلیک شول
په کډوالو او راستنېدونکو چارو وزارت کې د ۴۷ زره ۷۱۲ امریکایي ډالرو په ارزښت د خلکو د ملاتړ لپاره د بشردوستانه مرستو او ټولنیزې او پراختیایي نوې لار موسسو سره د همکارۍ دوه هوکړه لیکونه لاسلیک شول.
د دې هوکړه لیکونو پر بنسټ به دغه موسسې پورتنۍ پیسې په کندوز، بدخشان او باميان ولايتونو کې د ژمنيو جامو وېش، خوراکي توکو او حرفوي زدکړو په برخو کې ولګوي، چې ٣٦٠ بېځايه شوې او راستنې شوې کورنۍ او د کوربه ټولنې غړي به ترې ګټه پورته کړي.
دا هوکړه لیکونه د کډوالو او راستنیدونکو چارو وزارت د مسلکي مرستیال الحاج مولوي عبدالرحمن راشد او د دغو بنسټونو د استازو له خوا لاسلیک شول
