د مهاجرینو چارو وزیر د قومي مشر حاجي کپتان په جنازه کې ګډون وکړ
د مهاجرینو او راستنېدونکو چارو وزیر د خوست ولایت د زدرانو قومي مشر حاجي کپتان مړینه یوه لویه ضایع وبلله او د جنت الفردوس دعا یې ورته وکړه
ښاغلي حقاني په خپلو خبرو کې وویل، د جنازې لمانځه ته راغونډېدل زمونږ د اتفاق او یووالي ښکارندویي کوي، او له دې څخه په الهام باید د ژوند په ټولو چارو کې متفق او متحد اووسو
نوموړي له ګډونوالو وغوښتل، چې خپلې ټولې شخړې دې د افغاني دود او دستور له مخې د علماو او سپین ږیرو په منځګړتوب د خبرو اترو او یا هم د شرعي محکمې له لارې حل کړي او په شخصي توګه دې د یوبل پرضد پاروونکي اقدامات نه ترسره کوي
