د مهاجرینو چارو سرپرست وزیر د پکتیا ولایت د مهاجرینو چارو له ریاست څخه لیدنه وکړه
د مهاجرینو او راستنېدونکو چارو سرپرست وزیر الحاج خلیل الرحمن حقاني د پکتیا ولایت د مهاجرینو چارو ریاست له مختلفو شعبو څخه لیدنه وکړه او د هغوی غوښتنې او وړاندیزونه یې له نږدې واورېدل
ښاغلي حقاني ددغه ریاست له کارکوونکو سره د ناستې پرمهال په اخلاص، اطاعت، همغږۍ، روڼتیا، د کاري بهیر په چټکتیا، د شریعت پابندي او نورو اړینو اصلاحاتو په رامنځته کولو ټینکار وکړ
د پکتیا د مهاجرینو چارو رئیس مفتي حبیب الله شهیدزاده ښاغلي حقاني ته د ریاست د فعالیتونو په اړه معلومات وړاندې کړل او د چټکتیا او روڼتیا په اړه یې ډاډ څرګند کړ
د مهاجرینو چارو وزیر له جبري راستنو شویو ٥٢ کورنیو سره د یونیسار له لورې د نغدي مرستو د بهیر څخه هم څارنه وکړه
