د مهاجرینو چارو سرپرست وزیر د افغانستان له پاره د اروپایي اتحادیې له سرپرستې سره ولیدل

anwari_morr
سه‌شنبه ۱۴۰۲/۹/۷ - ۲۰:۳۷
-

د مهاجرینو او راستنېدونکو چارو سرپرست وزیر الحاج خلیل الرحمن حقاني د اروپایي اتحادیې له سرپرستې آغلې رافیلا لودیک او مل پلاوي سره په خپل کاري دفتر کې ولیدل
ښاغلي حقاني آغلې رافیلا لودیک او مل پلاوي ته د ښه راغلاست تر څنګ په پاکستان، ایران او ترکیې هېوادنو کې د مهاجرینو د وضعیت او تر اوسه پورې په اجباري توګه هېواد ته د راستنو شویو مهاجرینو د ارقامو په اړه معلومات ورکړل.
آغلې رافیلا له حقاني څخه د راستنېدونکو مهاجرینو د غوره مدیریت او تنظیم په برخه کې ځانګړې مننه وکړه او زیاته یې کړه دا ستاسو ځانګړی مهارت او فن و چې په دې اندازه راستنېدونکي مو ښه مدیریت او خدمات مو ورته وړاندې کړل
آغلې رافیلا زیاته کړه موږ باید په ګډ او پوره همغږۍ راستنېدونکو ته خدمات وړاندې کړو او همدا راز یې د راستنېدنکو مهاجرینو له پاره د ۱۴۲ میلیون یورو مرستې اعلانولو وعده وکړه او همدا راز یې وویل: موږ به په ګډه له یونیسار او آی، او، ایم سره هم د راستنېدونکو په اړه د همغږۍ ناستې ولرو او په هر ډول شرایطو کې ستاسو سره همکارۍ ته چمتو یو. 
ښاغلي حقاني له آغلې رافیلا او مل پلاوي له همکاریو  څخه مننه وکړه او زیاته یې کړه چې کوربه هېوادونه په ځانګړي ډول پاکستان، ایران او ترکیه هېوادنه د افغان مهاجرینو د ځورولو څخه لاس واخلي او د دوی انساني او بشري حقونو ته دې درناوی وکړي او له دوی څخه دې خپل اموال په ناقانونه توګه نه ضبطوي
همدا راز یې راستنېدونکو ته د خېمو او کور جوړولو په موخه د زیاتو مرستو غوښتنه وکړه او د اسلامي امارت له لوري یې دوی ته د بشپړ امنیت او شفافیت ډاډ ورکړ
آغلې رافیلا په نېږدې راتلونکي کې په  مرزونو کې د راستنېدونکو له وضعیت څخه د لیدنې ژمنه هم وکړه 
د یادولو وړه ده چې، په دې ناسته کې د وزارت د دفتر، پلان او پالیسۍ او د مرستو او همغږۍ رئیسانو هم ګډون درلود.

تازه خبرونه

پنجشنبه ۱۴۰۳/۱۱/۲۵ - ۲۱:۰
Background image

د کډوالو او بېرته را ستنېدونکو چارو سرپرست وزیر محترم مولوي عبدالکبیر نن (چهار شنبه، د سلواغې ۲۴) د بغلان ولایت د اندرابونو د درېو ولسوالیو له یو شمېر قومي مشرانو او مخورو سره په خپل کاري دفتر کې وکتل.

په دې ناسته کې د اندرابونو قومي مشرانو او مخورو په سيمه کې د سرتاسري امنیت راتګ او د فساد او زورواکیو له منځه تللو ستاینه وکړه، د خلکو د هوساینې او اقتصادي اړتیاوو په اړه يې خپل نظرونه. . .

پنجشنبه ۱۴۰۳/۱۱/۲۵ - ۸:۵۷
Background image

دكډوالو او بېرته راستنېدونکو چارو سرپرست وزير محترم مولوي عبدالكبير د نورستان ولايت له مشايخو او علماو سره وكتل.

په دې ناسته كې د نورستان مشايخو او علماو د اسلامي امارت څخه ملاتړ څرګند كړ او ويې ويل، افغانان د اشغال له پاى ته رسېدو وروسته د اسلامي نظام تر سيوري لاندې ارام ژوند كوي، دوى زياته. . .
سه‌شنبه ۱۴۰۳/۱۱/۲۳ - ۲۰:۴۲
Background image

د کډوالو او بېرته راستنېدونکو چارو سرپرست وزیر د پنجشېر له امنیه قومندان سره وکتل

 د کډوالو او بېرته راستنېدونکو چارو سرپرست وزیر محترم مولوي عبدالکبیر، د پنجشېر ولایت له امنیه قومندان قاري احمدالله بدر سره په خپل کاري دفتر کې وکتل.
په دې ناسته کې قاري احمدالله بدر د. . .

بېرته خبرونه ته