مهاجرینو چارو وزارت کې دوه هوکړهلیکونه لاسلیک شول
مهاجرینو او راستنېدونکو چارو وزارت کې له احیای مجدد انصاري برای افغانستان او د کلیو او پرمختیايي پروګرام موسسو سره دوه هوکړهلیکونه لاسلیک شول.
دغه هوکړه لیکونه، چې د یو میلیون ۲۳ زره ۳۸۵ امریکايي ډالرو پر ارزښت لاسلیک شول، په هرات، فراه، بادغیس، کابل، لوګر، پروان، کاپیسا، پکتیا، کندهار، نیمروز او ننګرهار کې به۶۰ زره او ۳ بېځایه شویو، راستنو شویو کورنیو او کوربه ټولنو ته د نغدي، خوراکي توکو او د خدمتونو په اړه د عامه پوهاوي په برخو کې مصرف شي.
د مهاجرینو او راستنېدونکو چارو وزارت د همکارو بنسټونو په همکارۍ د راستنو شویو او بېځایه شویو لپاره لا ښه خدمتونو وړاندې کولو ته ژمن دی.
