د مهاجرينو چارو وزير د چين سفير سره ليدنه وکړه
د مهاجرينو چارو وزير الحاج خليل الرحمن حقاني په کابل کې د چين سفير ښاغلي وانګ يو سره د غبرګولي په (۲۴) مه په خپله کاري دفتر کې ليدنه وکړه.
په دې ناسته کې د راستنېدونکو او بېځايه شوو په ستونزو خبرې وشوې او د مهاجرينو چارو وزير د لومړنيو مرستو خوراکي او غير خوراکي توکو، سرپناه جوړولو او د روغتيايي وسايلو غوښتونکی شو.
د چين سفير ښاغلي وانګ يو د خپل هېواد د همکاريو ډاډ ورکړ ويې ويل، چې د يو دوست هېواد په توګه له افغانستان سره په اقتصادي، سياسي او ټولنيزو برخو کې همکاري کوو او هڅه به وکړو، چې په افغانستان کې له راستنېدونکو کورنيو ژر تر ژره لومړنۍ مرستې ترسره شي.
