د قندهار ولايت په سپين بولدک کې د مؤسسو سره د همغږۍ ناسته وشوه
د اجباري راستنېدونکو کډوالو ستونزو ته د رسېدني کمېسېون د مهاجرينو چارو وزارت د مسلکي مرستيال مولوي عبدالرحمن راشد په مشرۍ د همغږۍ او د جبري راستنېدونکو وضعيت ته د لاسرسي په موخه په سپين بولدک کې د مؤسسو له استازو سره ناسته وکړه.
په دې ناسته کې په لومړي سرکې په سپين بولدک کې د مهاجرينو چارو مسؤول د جبري راستنېدونکو د شمېر، موقتي کمپونو، خوراکي توکو د برابرولو، روغتيايي خدماتو، اوبو رسونې شبکې بېړنۍ اړتياوې وبللې.
وروسته د جبري راستنېدونکو وضعيت ته د لاسرسي کمېسون د مؤسسو سره د لازياتې همغږۍ په رامنځ ته کولو، د خوراکي توکو، نغدي او غير خوراکي توکو په وېش ټينګار وکړ.
د اجباري راستنېدونکو د عمومي وضعيت ته د لاسرسي کمېسيون د مهاجرينو له پاره د افغانستان اسلامي امارت په امکاناتو او فعاليتونو خبرې وکړې او د مرستو رسولو لړۍ په ګړنديتوب او د شيفت ټيمونو د جوړېدو غوښتنه يې وکړه.
وروسته د کډوالۍ نړيوال سازمان، د خوراک نړيوال سازمان او د ملګرو ملتونو دکډوالو ادارې استازو د خپلو فعاليتونو په اړه معلومات ورکړل او د مرستو د چټکتيا ډاډ يې ورکړ.
