د افغانستان ا.ا د کډوالو او راستنېدونکو چارو وزارت چارسمبالي وزير د ملګرو ملتونو د ګډوالو ادارې عالي کمیشنر سره وکتل
۱۴۴۳ ، محرم، 7 مه، کابل ـ افغانستان
د افغانستان ا.ا د کډوالو او راستنېدونکو چارو وزارت چارسمبالي وزیر الحاج خلیل الرحمن حقاني د ملګرو ملتونو د کډوالو ادارې عالي کمیشنر فلیپو ګراندي سره وکتل.
په دغه کتنه کې دواړو خواو د کډوالو په عمومي ستونزو، داخلی بې ځایه شویو ته د مرستي په رسولو او له هیواده بهر کډوالو د بېرته راستنېدو پرڅرنګوالي بحث او خبرې وشوې.
ښاغلي حقاني د ملګرملتونو د کډوالو ادارې د عالي کمیشنر څخه وغوښتل، چې د بیرته راستنېدونکو کورنیو لپاره د ښارګوټو د جوړولو او د هېواد څخه د انساني قاچاق په مخنيوي کې جدي همکاري وکړي .
هغه وویل : موږ ټولو مرستندویه ادارو ته د پوره امنیت ډاډ ورکوو او هیله ترې کوو، چې په اوسنيو شرايطو کې زموږ د هیواد والو لاسنیوی وکړي.
په دغه کتنه کې داوړو لورو د ګډې همکارۍ په دوام ټينګار وکړ .
