دیوهوکړه لیک پر اساس،هغو راستنېدونکو ته چې دکرنې په برخه کې کار کوي پور ورکول کېږي
دکډوالو او راستنېدونکو چارو وزارت، دکرنې وزارت او دکرنې دپراختیایي وجهي صندوق سره هوکړه لیک لاسلیک کړچې له مخې به یې هغو راستېدونکو ته چې دکرنې په برخه کې کار کوي.
دغه هوکړه د چنګاښ په ٩مه دکډوالو او راستنېدونکو چارو وزارت دپالېسۍ او پروګرامونودپلي کېدو معین شېر علم امله وال ،دکرنې وزارت تخنیکي معین شېرشاه امیري او دکرنې پراختیايي وجهي صندق رييس ایمل ارمان تر منځ لاسلیک شو. دپالېسۍ او پروګرامو دپلي کېدومعین دهوکړه دلاسلیک په اړه وويل:هغه راستنېدونکو اوبېځایه شوو ته چې دکرنې په برخه کې کار کوي دا یو مهم امر دی چې دپور ورکولو خدماتو چمتو کولو له لارې په زراعت سکتور کې کار وکړي. افغانستان یو کرنیز هېواد دی او د کرنې وده د هېواد د اقتصاد د ودې لپاره یوه اساسي مساله ګڼل کیږي.
همدارنګه دا برنامه کرهنیزوکورنیو اقتصاد ته وده ورکوي چې دکرنې په برخه کې کار کوي. په ورته وخت کې دکرنې وزارت تخنیکي معین معلومات ورکړل چې دپراختیايي وجهي صندق دجوړېدو دوخته تراوسه له ١٣ملیاردوڅخه ډېرې افغانې دکرنې په بېلابېلو برخو کې قرضه ورکړل شوې او د٥٦زره بزګرانو په شاوخواکې له دې برنامې څخه برخمن شوي.
نوموړي وويل دا صندق په پام کې لري چې وړې قرضې دبزګرانو په لاسکې ورکړي. دلاسلیک شوي هوکړه لیک له مخې به کډوالو او راستنېدونکوچارو وزارت هغه راستنېدونکي او کډوالوچې دکرنې په برخه کې په کار بوخت دي په نښه او ورسته به یې دپور دترلاسه کولو لپاره پراختیايي وجهي صندق ته ورپېژني.
په دغه برنامه کې چې دکډوالو اوراستنېدونکو چارو وزارت له لورې یې څارنه کېږي په راتلونکو پېنځوکلونوکې ٢،٢ میلیاره افغانۍ له ٩زرو زیاتو راستنېدونکو ته پورورکړي.
