دمهاجرینواوراستنیدونکوچارو وزارت معین، د "SFCG" موسسې له مشر سره
د مهاجرینو او راستنېدونکو چارو وزارت مرستیال ښاغلي محمد ارسلاح خروټي د "SFCG" موسسې له مشر شامل ادریس سره پخپل کاري دفتر کې ولیدل
په سر کې ښاغلي ادریس د خپلو کاري کړنو په اړه معلومات وړاندې کړل، هغه وویل: د داخلي بېځایه شویو ظرفیت لوړونه، د مرسته کوونکو موسساتو سره تخنیکي همکاري او د شخړو ختمولو لپاره برنامې په کار اچول ددوی دنده ده.
ښاغلي خروټي ددوی د هرکلي ترڅنګ وویل: تېر ۴۳ کاله د شخړو او نا امنیو عمده دلایل د بهرنیو مداخله او لاسوهنه، د ولسونو ترمنځ د مذهب، ژبې او کلتور ترنامه لاندې زهرجن تبلیغات و، چې د ولسونو ترمنځ یې فاصلې ایجاد کړې او د نفاق تخم یې وشینده، نوموړي وویل، د افغانانو د مشکلاتو ختمولو لپاره لازمه ده، چې اقتصادي بندیزونه لرې او بشري مرستې له قیدو شرط پرته په داسې ډول وشي، چې د بېوزلو اساسي ستونزې حل کړي
