ترکیې ته تللي پلاوي ددغه هېواد د مهاجرت ادارې له مشر سره وکتل
د مهاجرینو او راستنېدونکو چارو وزارت ددفتر رئیس قاري اجمل ویاړ په مشرۍ ددغه وزارت پلاوي په ترکیه کې ددغه هېواد د مهاجرت ادارې له مشر اتیلا توروس سره کتلي او د مهاجرینو په ستونزو یې ورسره خبرې کړي
په دغه ناسته کې دواړو لوریو د مهاجرینو اتشې پر اړتیا او د یوه ګډ کمیسیون پر جوړولو توافق کړی، چې له لارې به یې د مهاجرینو اړوند ستونزې، نظرونه او وړاندیزونه له یوبل سره شریکوي
دغه راز یاد پلاوي په انقره کې د ټوپلام په نوم له یوه زندان څخه هم لیدنه کړې، چې یو شمېر افغانان پکې بندیان دي
د یادونې وړ ده، چې په نږدې راتلونکې کې به ښاغلی توروس افغانستان ته هم سفر وکړي
