بدخشان کې دطبيعي پېښو له امله زيانمنو شوو کورنيو ته ښارګوټی جوړ او ګټې اخيستنې ته وسپارل شو

دبدخشان ولايت د داريم ولسوالۍ دقاضي قشلاق سيمه کې دطبيعي پېښو له امله (١٣٠) زيانمنو شووکورنيوته ديولکو اوه شپيته زره او اته سوه امريکايي ډالرو په ارزښت جوړ او ګټې اخيستنې ته وسپارل شو. د پرانيستې په دغو مراسمو کې د مهاجرينو رييس،دطبيعي پېښو پروړاندې دمبارزې رييس،دخبريالانو دشورا رييس،اکتېد موسسې مسؤلينو،د داريم ولسوالۍ ولسوال،خبري رسنيو او ددغې ولسوالۍ سلګونو اوسېدونکو برخه اخيستې وه. دبدخشان ولايت دمهاجرينو او راستنېدونکو رييس مولوي محمد يونس جهادمل په ويناچې دياد ښارګوټي لپاره (٤٥،٨ ) جريبه ځمکه د دولت له لورې اخيستل شوې وه او (٢١٥) کورنيو ته ووېشل شوه. نوموړي وويل: چې د بدخشان ولايت دمهاجرينو رياست ژمن دی چې ددې سيمې دپاتې بېځايه شوو،راستنېدونکو،اړمنو او دطبيعي پېښو له امله زيانمو شوو کورنيوته دسرپنا زمينه برابره کړي. د داريم ولسوالۍ ولسوال شيخ حجازالحق وويل: که څه هم داسلامي امارات ځواکونه شل کاله په غرونو کې و او مبارزه يې کوله ؛مګر دمبارزې ترڅنګ همېشه دپرمختګ،زده کړ او دخپلو خلکو دپرمختګ په فکر کې و.هغه زياته کړه موږ خپلې ټولې هڅې کوو ترڅو يوخپلواک او ازاد هېواد ولرو. دداريم ولسوالۍ ولسوال دخپلو خبر په دوام کې دياد ښارګوټي نوم د اېښودو غوښتنه وکړه او ويې ويل چې دا ښارګوټی بايد دنصرت په نوم ياد شي. په ورته وخت کې د سيمې اوسېدونکو دښارګوټي په جوړولو خوښي څرګنده کړه ويې ويل:چې که دغه ښارګوټی نه وی جوړ شوی دوی مجبور و چې غرونو اوشاړوکې يې ژوند کړی وی. دوی دمرستندويه بنسټونو څخه غوښتنه وکړه چې دپاتې او خطر سره مخ بې کوره خلکوته هم دسرپناه ځايونه جوړ کړي.