د مهاجرینو وزارت د دفتر ريیس قاري محمد اجمل ویاړ د سلام پوهنتون د څېړنو مرکز له مرستیال سره ولیدل
د وري میاشتې په ۲۶ مه نیټه د مهاجرینو وزارت د دفتر ريیس قاري محمد اجمل ویاړ د سلام پوهنتون د څېړنو مرکز له مرستیال نصیر احمد نویدي او مل پلاوي سره وکتل.
په دې لیدنه کې د "بهرنیو هېوادونو ته د افغانانو د مهاجرت عوامل، پایلې او حللارې" تر سرلیک لاندې د یوه ملي کنفرانس پر جوړېدو خبرې وشوې.
قاري اجمل ویاړ دغه کنفرانس یوه مهمه علمي هڅه وبلله او ژمنه یې وکړه، چې د مهاجرینو وزارت به د دې کنفرانس په بریالیتوب کې بشپړه همکاري وکړي.
دا کنفرانس، چې تمه کیږي د مهاجرت پیچلو مسایلو ته د حل لارې موندلو لپاره ارزښتناکه ونډه ولري او د افغانانو د مهاجرت په اړه نوې څېړنې او نظرونه به پکې شریک شي.
د سلام پوهنتون مرستیال نصیر احمد نویدي هم د وزارت د همکارۍ له امله مننه وکړه او هیله یې څرګنده کړه، چې دا کنفرانس به د مهاجرت په تړاو د پالیسي جوړونې لپاره یو مهم ګام وي.
