د کډوالو چارو وزير په يو رسمي سفر پاکستان ته و لاړ

Bottom of Form

دکډوالو او راستنېدونکو چارو وزير سيد حسين عالمي بلخي د سيمه اييزو حل لارو د درې اړخيزه او څلور اړخيزه ناستو او په ايران او پاکستان کې دمېشت افغان کډوالود وضعيت په اړه د خبرو په موخه د يکنشبې په ورځ د غبرګولي په ۲۶مه له غرمې ورسته له يو لوړ پوړي پلاوي سره اسلام آباد ته ورسېد.

په پام کې کې ده چې دکډوالو چارو وزير د افغانستان په استازيتوب په درې اړخيزه او څلور اړخيزه ناستو پاکستان، ايران او دملګرو ملتونو دکډوالو اد اره (UNHCR)  ګډون وکړي او دافغان کډوالو د وضعيت په اړه د جوړې شوې اجنډا اړوند خبرې اترې وکړي.
نوموړی به همدارنګه دخپل پاکستاني سيال سره په هغه هېواد کې دمېشتو افغان کډوالو د وضعيت ښه والي په موخه خبرې اترې وکړي.

نوموړی د پاکستان په نړيوال هوايي ډګر کې د هغه هېواد د لوړ پوړ چارواکو له لورې د تود هرکلي سره مخ شواو دناستې تر ځای پورې يې بدرګه کړ.