دکډوالو چارو وزيربلخ ولايت ته په خپل سفر کې د بېځايه شوو شهيد ذبيح الله ښارګوټي څخه ليدنه وکړه
دکډوالو او راستنېدونکو چارو وزير سيدحسين عالمي بلخي د تېرې پنجشنبې په ورځ د غبرګولي په ۲۳مه بلخ ولايت ته په خپل سفر کې دشهيد ذبيح الله ښارګوټي د اوسېدونکو له وضعيت څخه ليدنه وکړه.
دغه ښارګوټی چې د بلخ ولايت د نهر شاهي ولسوالۍ کې موقعيت لري له فارياب ولايت ۳۳۰ بېځايه شوې کورنۍ پکې ژوند کوي، چې پخوا ورسره ديوشمېر موسسو او دبلخ ولايت دکډوالو چارو رياست له لورې مرستې ترسره شوي.
يادو بېځايه شوو دکډوالو چارو د وزيرڅخه هلته دوی ته دکاري زمينې، دايمي استوګنې، ښوونځيو او روغتيايي مرکزونو د جوړېدو غوښتونکي شول.
دکډوالو او راستنېدونکو چاو وزير وويل، دغه وزارت هڅه کړې چې د نړيوالو موسسو سره په همکارۍ ۱۷۰ بېځايه شوو کورنيو ته د دايمي استوګنې زمينه برابره کړي.
هغه وويل، د پاتې نورو کورنيو دستونزو دحل لپاره هم هڅې کو او په ياده سيمه کې د ښوونځي د جوړېدو وړانديزو مو دکليو پراختيا وزارت ته لېږلی دی.
هغه د بلخ ولايت په شهيد ذبيح الله ښارګوټي کې بېځايه شوو ته د ملګرو ملتونو دکډوالو ادارې (UNHCR) دخدمتونو وړاندې کولو له امله قدردانۍ تر څنګ له هغه ادارې د زياتې همکارۍ غوښتنه وکړه او د بلخ ولايت دکډوالو چارو رياست ته يې لارښوونه وکړه چې په ياده سيمه کې د بېځايه شوو ستونزو دحل په برخه کې لا زياتې هڅې وکړي.
