د اسلاميک ريليف یا نړيوالې اسلامي هوساينې موسسې لخوا د کابل په بېلابېلو سيمو کې د خوراکي توکو مرسته وشوه

د اسلامیک ریلیف یا د نړیوالې اسلامي هوساینې موسسې لخوا (777) اړمنو کورنیو سره د کابل په خاکجبار، ده سبز، بګراميو او دولسمه ناحیه کې د خوراکي توکو مرسته تر سره شوه.

په دغه خوراکي توکو کې (60) کیلو ګرامه وړه، (29) کیلو ګرامه وریجې، (14) کیلو ګرامه دال، (6) کیلو ګرامه بوره، (6) لیتره غوړي او یو کیلو مالګه شامل وه.

د مرستو دغې لړۍ, چې د روان هجري شمسي کال د تلې مياشتې له (17مې) څخه (19مې) نيټې پورې ترسره شوې وه، په کې د خاکجبار ولسوالۍ (201) کورنۍ, د ده سبز (164)کورنۍ او بګرامیو او دولسمې ناحیې (412) کورنيو مرستې وويشل شوې.

د يادونې وړ ده, چې د مرستو د ويش دغه لړۍ د افغانستان اسلامي امارت د مهاجرينو او بېرته راستنېدونکو وزارت په همکارۍ او همغږۍ ترسره شوه.