د کډوالو او راستنېدونکو چاور وزیر محترم مولوي عبدالکبیر په خپل کاري دفتر کې په پېښور کې له افغان جنرال قونسل حافظ محب الله شاکر سره وکتل
په دې ناسته کې، چې له پاکستان څخه د راستنېدونکو افغانانو پر وضعیت خبرې وشوې، ښاغلي حافظ محب الله شاکر وویل، چې په پاکستان کې د کډوالو ثبت لړۍ کې افغان راستنېدونکي له سختو ستونزو سره مخ دي او زرګونه افغان کورنۍ د ثبت لپاره په تمه دي.
د ښاغلي شاکر پر وینا، چې افغان ډیپلوماتانو څو ځلې په پاکستان کې د افغانانو وضعیت له نږدې څارلی دی او که د پاکستان حکومت د ثبت په لړۍ کې اسانتیاوې رامنځته او کاري وخت ډېر کړي، ګڼې ستونزې به یې هوارې شي.
د ناستې پر دوام محب الله شاکر د فرضې کرښې هغې غاړې ته د بند پاتې افغان کورنیو د ستونزو د حل په موخه د کډوالو او راستنېدونکو چارو وزارت ته ځينې وړاندیزونه وړاندې کړل.
محترم مولوي عبدالکبیر افغان جنرال قونسل ته ښه راغلاست وویل او د کډوالو د ستونزو د حل په برخه کې یې د هغوی هڅې وستایلې.
محترم وزیر شوي وړاندیزونه مهم وبلل او زیاته یې کړه، چې د فرضې کرښې هغې غاړې ته د بند پاتې راستنېدونکو د ستونزو د حل په موخه به لاس په کار شي او د خوراکي او غیري خوراکي توکو د چمتو کولو لپاره به مالي امکانات ولېږي.
محترم وزیر د خپلو خبرو پر دوام یادونه وکړه، چې اسلامي امارت د راستنېدونکو لپاره اړین امکانان چمتو کړي او د ستونزو حل ته یې لومړیتوب ورکوي.
د محترم وزیر پر وینا، چې د بند پاتې افغان کډوالو ستونزې به له نړۍوالو اداره سره هم شریکې کړي.
