د کابل نوي ښار پارک څخه د 200 څخه زياتې کورنۍ خپلو اصلي مېنو ته ولېږدول شوې

sadam_morr
شنبه ۱۴۰۰/۷/۱۷ - ۱۷:۲۹
____________

1400کال، تلې، 15مه، کابل؛ افغانستان

د کابل نوي ښار پارک څخه (255) بې ځايه شوې کډوال د  خپلې خوښې ستنېدنې برنامې له لارې خپلو اصلي کورنو ته ولېږدول شول.

په دغه برنامه کې د ګډون پرمهال د کډوالو او راستنېدونکو چارو وزرات، مالي او اداري مرستيال ښاغلي محمد ارسلا خان خروټي وویل: د دې برنامې له لارې (255) بې ځايه شوي کډوال، چې د بلخ، کندز، سمنګان او سرپل ولايت اوسېدونکي دي، لېږل کېږي.

هغه زياته کړه، ددې برنامې له مخې د هرې کورنۍ سره د يونين ايډ موسسې او افغان مېرمنو رضا کاره بنسټ (10) زره افغانيو او ترانسپورټ او د ترکيې اميد سترګې موسسه د خوراکي توکو مرسته کوي.

هغه له ټولو نړيوالو او کورنيو خېريه بنسټونو له مرستو څخه ځانګړی مننه وکړه او و يې وويل: له موسساتو او خېريه بنسټونو سره يې خبرې کړي؛ ترڅو د بې ځايه شويو خلکو لپاره په خپلو سېمو کې د اوسېدو زمينه هم برابره کړي.

د کابل د کډوالو او راستنېدونکو چارو رئيس قاري عبدالمتين رحيمزي وويل: د کابل نوي ښار پارک څخه د داخلي بې ځايه شويو کډوالو د لېږد پروسه چې څو موده وړاندې پيل شوې وه؛ نن پای ته ورسېده.

د هغه په وينا، ددې پروسې له مخې (1005) کورنيو سروی شوې وې، چې د بېلابېلو موسساتو په مرستو مو خپلو سېمو ته ولېږدولې.

د يونين ايډ موسسې رئيس امجد ساپي د کډوالو او راستنېدونکو وزارت له رهبرۍ څخه ځانګړې مننه وکړه او وويل: ددې وزارت سره په ګډه کار کوي؛ ترڅو اړمنو هېوادوالو او بې ځايه شويو کډوالو ته په وخت خپلې مرستې ور ورسوي.

تازه خبرونه

چهارشنبه ۱۴۰۴/۴/۱۸ - ۱۰:۵۶
Background image

د كډوالو او راستنېدونکو چارو سرپرست وزیر محترم مولوي عبدالکبیر د پکتیا د روحاني بابا ولسوالۍ له څو تنو قومي مشرانو او مخورو سره وکتل.

راغلو مشرانو او مخورو روحاني بابا ولسوالۍ ته له پاکستان څخه د راستنو شویو هېوادوالو د وضعیت او مېشتېدو په اړه له محترم مولوي عبدالکبیر ته معلومات ورکړل.
دغو مخورو وویل، چې راستانه شوي. . .

چهارشنبه ۱۴۰۴/۴/۱۸ - ۹:۲
Background image

د مهاجرینو او راستنېدونکو چارو سرپرست وزیر محترم مولوي عبدالکبیر په افغانستان کې د کډوالو نړیوال سازمان له مشرې ميهيونګ پارک سره وکتل.

آغلې ميهیونګ پارک له ایران څخه د راستنېدونکو افغانانو د حالت په اړه معلومات شریک کړل او زیاته یې کړه، چې د مالي سرچینو د کمښت سربـــېره هڅه کوي اړمنو ته اړین خدمات وړاندې کړي.
ن. . .
دوشنبه ۱۴۰۴/۴/۱۶ - ۱۳:۴۹
Background image

د کډوالو چارو وزارت د همکارۍ دری هوکړه لیکونه لاسلیک کړل

د کډوالو او راستنېدونکو چارو وزارت د همکارۍ دری هوکړه لیکونه د ۲ میلیونه ۶ لکه ۴۴ زره او ۴۱۳ ډالرو په ارزښت د بشري حقونو د څېړنې او دفاع موسسې، د افغانستان لپاره د انصاري بیا احیا موسسې. . .

بېرته خبرونه ته