کډوالو چارو وزير اوسمهال دحکومت مهمه موضوع داخلي بېځايه شوو ته لاس رسی دی
د کډوالو او راستنېدونکو چارو وزير سيد حسن عالمي بلخي د کب په لومړۍ نېټه په کابل کې د بېځايه شوو دملي پالېسۍ مطالبق د ولايتي عمل پلان ورکشاپ کې ګډون وکړويې ويل، چې د ملي يوالي حکومت مخکې د کډوالۍ او بېځايه شوو موضو يوه هېره شوې موضوع وه،مګر دملي يوالي حکومت په دوران کې دغه موضوع دحکومت له لومړيتوبونوڅخه ده.
هغه دخپلو خبرو په دوام کې کډوالي يوه نړيواله موضوع وبلله او بېځايه شوو ملي پالېسي يې د کډوالۍ دبهران دحل لپاره يومهم سند ياد کړ.
ښاغلي بلخي په دې اړه وويل، په افغانستان کې څلوېښت کلنې جګړې خلکوته ډېر تاوانونه اړولي دي، ډېری بېځايه شوي په همدې جګړوکې زېږېدلي چې اوسمهال مهمه موضوع ددوی ستونزو ته لاس رسی دی.
عالمي بلخي بېځايه شوو او راستنېدونکو لپاره دکډوالو چارو وزارت د کړنو د رسېدنې په برخه کې د بېځايه شوو دملي پالېسۍ په اړه وويل، چې دملي يوالي حکومت پرمهال دې پالېسۍ ته زياته پاملرنه شوې وه او دکډوالو، داخلي بېځايه شوو او راستنېدونکو موضوع راپورته شوه،چې زياته برخه يې د دولت دبوديجې څخه ورکول کېږي.
د کډوالو چارو وزارت دموندونو پر اساس په ۲۰۱۹ کال کې شاوخوا ۷۳۶ زره تنه، چې ۱۰۰ زر ه کورنۍ کېږي دخپلو اصلي سيموڅخه په ټول افغانستان کې بېځايه شوي او له دې ډلې يې ۴۶۳ زره تنه،چې ۶۳ زره کورنۍ کېږي دکډوالو چارو وزارت ترمشرۍ لاندې بېرته خپلو اصلي سيموته ستنې شوي دي.
په دغه ورکشاپ کې، چې د داخلي بېځايه کېدنې پالېسۍ سره سم د ولايتي تطبيقي پلان جوړولو لپاره په کابل کې جوړ شوی وی، دکابل مرستيال والي هم پکې ګډون کړی و.
د داخلي بېځايه کېدنې ملي پالېسۍ پلي کولو پلان تردې دمه په لسو ولايتونوکې تيار او پلي شوی تمه ده،چې په کابل کې به هم پلی شي.
