کډوالو چارو وزير په يونان کې دافغانستان سفير کړنې وستايلې
د کډوالو او راستنېدونکو چارو وزير سيد حسين عالمي بلخي د لړم په ۲۲مه په يونان کې دافغانستان سفير ميرويس صمدي ستاينليک ورکړ او دکډوالو وضعيت ښه والي په موخه د پاملرنې غوښتونکوشو.
ميرويس صمدي،چې څه موده وړاندې په يونان کې دافغانستان سفير ټاکل شوی، دخپل ماموريت په کمه موده کې په اتن کې دمېشت کډوالو او راستنېدونکو چارو وزارت څانګې سره په ګډه همغږۍ په دې توانېدلی، چې د کډوالو د مديريت، په کمپونوکې افغان کډوالو ته لاس رسی، ښارونوته د هغوی لېد او افغان کډوالو ته د يونان د چاروکو د پاملرنې جلبولو له امله دکډوالو چارو وزير د هغه رښتنې هڅې وستايلې او ستاينليک يې ورکړ.
عالمي بلخي يونان هېواد کډوالو مديريت په برخه کې يو له ننګونو ډکې سيمې يادې کړې ويې ويل، کډوالو چارو وزارت په هڅه کې دی چې ترانزيتي هېوادونو يونان او اندونيزيا سره د ګډ مديرت په برخه کې يو هوکړه ليک ته لاس رسی پيداکړی.
هغه زياته کړه په سوداګريزو هېوادنوکې د کډوالو مديريت موضوع د پناه غوښتونکو په برخه کې د ملګرو ملتونو دکډوالو ادارې په کلنۍ ناسته کې بيان کړی او دهغه هېواد د مسؤلينوڅخه يې غوښتنه کړې،چې سوداګريزو هېوادونو ته زياته پاملرنه وکړي.
