کډوالو چارو وزارت مالي او اداري معين په پېښور کې د افغان کډوالو له اتشې سره وکتل
د زمري میاشتې په ۲ مه نیټه د کډوالو چارو مالي او اداري معین شيخ کليم الرحمن فاني په خپل کاري دفتر کې د پاکستان په پېښور ښار کې د افغان کډوالو له اتشې قاري نياز محمد عارف سره وکتل.
په دغه ليدنه کې د دواړو لوريو ترمنځ په پاکستان کې د افغان کډوالو د وضعيت او د هغوی د ستونزو د حل په اړه خبرې وشوې.
ښاغلي عارف د کاري ساحې په برخه کې ستونزې او د اتشې د تشکيل د زياتوالي موضوع له محترم فاني سره شريکه کړه.
مالي او اداري مرستیال د یاد دفتر د ستونزو د حل په برخه کې ډاډ ورکړ او په یاد پېښور کې د افغان کډوالو لپاره د لا زياتو همکاريو د دوام او د خدماتو د اسانتيا پر زياتوالي ټينګار وکړ.
