کډوالو وزير انجوګانوته!
په هغه صورت کې چې راپور ورنکړئ او اداري لګښتونه مو د ۲۵سلنو څخه کم نه کړئ هوکړه ليک نه لاسليک کوم.
د کډوالو او راستنېدونکو چارو وزير سيد حسين عالمي بلخي د ( انجوګانو د فعاليتونو د هغږي کولو) په ناسته کې د شپيتو څخه د زياتو غير دولتي ادارو استازو سره،چې د کډوالو چارو وزارت سره مرستې کوي د راپور ورکولو او اداري لګښتونو په کمولو ټينګار وکړ.
په دغه ناسته کې چې د سلواغې په ۸مه په کډوالو چارو وزارت کې دغيردولتي موسسو سره د وزارت د نږدې همغږۍ او د ستونزو راکمولو په موخه جوړه شوې وه،د وزارت سره د هوکړه ليک د لاسليکولو پرڅرنګوالي، د پروژو د پلي کېدوپه راپور ورکولواو په انجوګانو کې په شته ستونز خبرې وشوې.
عالمي بلخي وويل، چې د قانون په اساس بايد انجوګانې خپل کاري راپور د اقتصاد وزارت سربېره سکتوري وزارت ته هم ورکړي. په همدې وجه مرستندويه انجوګانې کډوالو چارو وزارت ته راپور ورکوي،له دې پرته په راتلونکي مالي کال کې دهمکاريو هوکړه ليکونه نه لاسليک کېږي.
هغه زياته کړه دې ته په پام سره چې د موسسو په قانون کې د اداري لګښتونو په اړه روښانه قانون شتون نه لري،مګر د نړيوالو معيارونو سره سم اداري لګښتونه بايد د ۱۰نه تر ۱۵ سلنو پورې ټاکل شوي دي؛ د کډوالو چارو وزارت هيله د انجوګانو څخه داده چې په افغانستان کې د امنيتي ستونز له امله خپل اداري لګښتونه د ۲۵ سلنو پورې منظم کړي،ځکه چې مرستې د ټولنې ترټولو بې وزله برخې پورې اړه لري نو اړينه ده چې ډېری خلکوته دغه مرستې ورسيږي نه په اداري لګښتونوکې ولګول شي.
د کډوالو او راستنېدونکو چارو وزير سيد حسين عالمي بلخي دخپلې شمېرې په وړاندې کولو سره د اداروڅخه وغوښتل چې په هېواد کې هرډول احتمالي کاري وضعيت، خنډونو او خرابيوکې له خپلو کارمندانوسره اړيکه ونيسي او خپلې ستونزې ورسره شريکې کړي.
د ادارو استازو دناستې په جوړولو خوښي وښوده ويې ويل، د اداري بيورکراسۍ له امله يې د ملي وحدت حکومت په دوران کې يې ښه همغږي درلوده.
