په تېرې يوې مياشت کې له اتيا زرو زيات افغان کډوالو له ايران نه هېواد ته راستانه شوي
په تېرې يوې مياشت کې ۸۱۵۶۶ تنه په خپله خوښه او جبري توګه د دوو لارو اسلام قلعه او ميلک له لارې هېواد ته راستانه شوي دي.
په سرحدونوکې کډوالو او راستنېدونکو چارو وزارت دڅانګو دمعلوماتو پر اساس د يادو شمېرو له ډلې ۳۱۳۹۹۹ تنه د نيمرزو ولايت دميلک له لارې او ۵۰۲۲۷ تنه د هرات ولايت د اسلام قلعه له لارې هېواد ته راستانه شوي او له دې وروسته خپلو ولايتونو ته تللي دي.
د ټولو راستنېدونکو له ډلې ۳۹۴۹۶ تنو په ځپله خوښه او ۴۱۰۶۸ تنو په جبري توګه کوربه هېوادونه پرېښي،چې له ډلې يې ۵۸ تنه قانوني اسناد لري.
په ورته وخت کې دکډوالۍ نړيوال سازمان (iom ) او دخوراک نړيوال سازمان (wfp ) له لورې د نيمروز ولايت دکډوالو چارو رياست په همکارۍ ۲۵۳۷ تنو اړمنو راستنېدونکو سره په ميلک کې نغدي او دخوراکي موادو مرستې شوي دي.
په دې حساب په روان کال کې د ټولو کوربه هېوادونوڅخه له ۵۰۰ زرو زيات افغان کډوال راستانه شوي دي.
