د کډوالو چارو وزارت کارکوونکو د بايومټريک د ثبت پروسه د اداري اصلاحاتو کمېسيون له لورې پيل شوه
د ملکي خدمتونو د کار کوونکو د بايو مټريک پروسه چې د اداري اصلاحاتو کمېسيون له لورې پرمخ وړل کېږي د تېرې شنبې په ورځ د چنګاښ په ۸ مه د کډوالو چارو وزير په شتون کې په دغه وزارت کې پيل شوه.
د اداري اصلاحاتواو ملکي خدمتونو د مسئولينو په وينا، دغه پروګرام د جمهوري رياست د فرمان له مخې ترسره کېږي او دملکي حدمتونو ټول کارکوونکي په ادارو کې د بنسټيزو اصلاحاتو د غوره مديريت، د روڼتيا رامنځ ته کولواو دکارکوونکو د خيالي بستونو څخه د مخنيوي په موخه بايومټريک کيږي، ددوی په وينا تر اوسه د لسو دولتي ادارو کارکوونکي په دغه پروسه کې ثبت شوي دي.
د کډوالو چارو وزير د اداري اصلاحاتو کميسون د کړنو څخه دمننې او ياد پروګرام ته د بشپړ چمتوالي ترڅنګ وويل، چې دغه پروګرام د روڼتيا رامنځ ته کولو او په تشکيلاتو کې د خيالي بستونو څخه مخنوی کوي،خو د حکمي، سرپرستو، باالمقطع، خدمتيانو او هغه کسانو چې د غيرې اختياري بوديجې څخه معاش اخلي يو لړ ستونزې لري هيله لرم چې د اداري اصلاحاتو کميسون دغه ستونزې په نظر کې ونيسي تر څو په دولتي ادارو کې د شفافيت پرځای يوه ستونزه رامنځ ته نه شي.
