د کډوالو او راستنېدونکو چارو وزارت مالي او اداري مرستیال د یاد وزارت د اطلاعاتو او عامه اړیکو ریاست له کارکوونکو سره غونډه وکړه
د کډوالو او راستنېدونکو چارو وزارت مالي او اداري مرستیال شیخ کلیم الرحمن فاني د ریاستونو د کړنو د ارزونې او د راپورونو د اورېدنې په موخه د اطلاعاتو او عامه اړیکو ریاست مسوولین خپل دفتر ته بللي وو.
ښاغلي فاني په ټولنه کې د رسنیو پر ارزښت، رسالت او مسؤلیت رڼا واچوله او څرګنده یې کړه، چې رسنۍ کولای شي د حقایقو په انعکاس سره د ملت او دولت ترمنځ د نږديوالي سبب شي او هم د حکومتي مسؤلینو د فعالیتونو، لاسته راوړنو او د دوی اړونده ادارو په اړه ولسونو سره لازم او پر وخت اطلاعات شریک کړي.
هغه زیاته کړه: هغه رسنۍ چې د رسنیز ډګر اصول مراعتوي او په خپلواکه توګه د هېواد د ښېرازۍ، امنیت او پرمختګ په اړه پر حقایقو ولاړ راپورونه له خلکو او نړیوالو سره شریکوي او د افغانستان څخه مثبت تصویر وړاندې کوي، باید تشویق او لاسنیوی يې وشي.
ورپسې د اطلاعاتو او عامه اړیکو رییس مفتي عبدلمطلب حقاني په خپلو خبرو کې له رسنیو سره پر وخت د اطلاعاتو شریکول اړین و ګڼل او دا چاره یې د اسلامي امارت د رښتینولۍ او د رسنیو څخه ملاتړ وباله. نوموړي زياته کړه چې د اطلاع رسونې بهیر کې سرعت، دقت او بیطرفي به د دولت د لاسته راوړنو څخه ملت خبر او د دوی د رضایت سبب شي.
په پای کې د یاد ریاست کار کوونکو په کاري بهیر کې خپلې ستونزې او مشکلات شریک کړل او ښاغلي فاني صیب یې د حل ډاډ ورکړ
