د وزارت د مقام دفتر رئیس د ملګرو ملتونو په چوکاټ کې د کډوالو چارو ادارې (یونیسار) له معاون او سرپرست سره ولیدل
د مهاجرینو او راستنېدونکو چارو وزارت د مقام دفتر رئیس ښاغلي قاري محمد اجمل ویاړ د ملګرو ملتونو په چوکاټ کې د کډوالو چارو ادارې (یونیسار) له معاون او سرپرست ښاغلي جلواس او مل پلاوي سره په خپل کاري دفتر کې ولیدل
په دغه لیدنه کې د درې اړخیزو او څلور اړخیزې ناستو په دائرولو او په مرکز او ولایتونو کې د مرستندویه ادارو له خواه اړمنو کسانو ته په شفاف ډول د مرستو رسولو په اړه خبرې وشوې، دغه راز ښاغلي ویاړ وویل: موږ چمتو یو چې درې اړخیزه (افغانستان، پاکستان او یونیسار) او همدار راز یوه بله درې اړخیزه ناسته( افغانستان، ایران او یونیسار ) سره ولرو نومړي زیاته کړه همدا راز له دغو دوو، درې اړخیزو ناسو وروسته څلور اړخیزې(افغانستان، ایران، پاکستان او یونیسار) ناستې ته هم چمتوالی لرو،
د ملګرو ملتونو په چوکاټ کې د کډوالو چارو ادارې (یونیسار) معاون او سرپرست ښاغلي جلواس د دغو ناستو په ژر تر ژره دائرولو، د دغو ناستو د مکان، وخت او اجنډا په مشخصولو ټینګار وکړ او همدا راز یې ژمنه وکړه چې په ولایتونو کې به د یو شمېر مرستندویه ادارو له استازو سره د مرستو د لا شفافیت په اړه ناستې ولري، همدا راز دغه ناسته کې په پاکستان هېواد کې د افغان مهاجرینو په ځورولو او په سمه توګه هېواد ته یې د راستنولو په اړه خبرې وشوې، ښاغلي جلواس زیاته کړه موږ د هغو مهاجرینو په اړه چُپ نه پاتې کېږو چې د کوم هېواد له خواه ور سره ظلم کېږي د دوی غږ تر خپلو چارواکو رسوو، دغه ناسته کې د وزارت د پالیسۍ او پلان، حقوقي ملاتړ او په خپله خوښه راستنونې ته د هڅونې رئیسانو هم حضور درلود.
