د مهاجرینو چارو وزیر د کډوالو په چارو کې د ملګرو ملتونو د عالي کمېشنرۍ له رییس سره وکتل

anwari_morr
شنبه ۱۴۰۵/۶/۲۱ - ۹:۴۳
-

د مهاجرینو او راستنېدونکو چارو وزیر محترم مولوي عبدالکبیر نن د کډوالو په چارو کې د ملګرو ملتونو د عالي کمېشنرۍ له رییس عرفات جمال سره وکتل.

په دغې لیدنه کې، چې د افغان کډوالو ستونزو ته د رسېدنې او د کډوالو له کوربه هېوادونو سره د څو اړخیزو ناستو په اړه خبرې وشوې، ښاغلي عرفات جمال وویل، ټاکل شوې په راتلونکې اکټوبر میاشت کې په سویس کې د یوې نړۍوالې غونډې په ترڅ کې د افغان کډوالو ستونزو ته د رسېدنې او د جبري اېستلو په اړه خبرې وشي.

نوموړي زیاته کړه، چې یاده کمېشنرۍ له ایران سره د افغان کډوالو ستونزو ته د رسېدنې په موخه د درې اړخیزې ناستې پر سر سلا شوې او په نیږدې راتلونکي کې به په کابل کې د ایران، ملګرو ملتونو او اسلامي امارت د استازو په ګډون ناسته وشي.

هغه وویل، چې ملګرو ملتونو د افغان کډوالو د ستونزو حل او لاس نیوي په موخه هڅې پیل کړې او د اړتیا وړ مالي امکاناتو د جلب لپاره پلان چمتو شوی دی.

محترم مولوي عبدالکبیر په افغانستان کې له کډوالو سره د ملګرو ملتونو له مرستو مننه وکړه او زیاته یې کړه، چې په سختو شرایطو کې له راستنو شویو سره اړینې مرستې او همکارۍ شوې دي.

نوموړي د افغان کډوالو په هکله څلور اړخیزې او درې اړخيزې ناستې اغېزمنې وبللې او زیاته یې کړه، چې اسلامي امارت د کډوالو د ستونزو د حل په موخه له ټولو هڅو ملاتړ کوي.

د هغه پر وینا، چې تر دې دمه د افغان کډوالو او راستنو شویو لپاره ګڼ پلانونه عملي شوي او د هر راز همکارۍ د جلب لپاره ظرفیت رامنځته شوی دی.

تازه خبرونه

شنبه ۱۴۰۵/۸/۳۰ - ۱۵:۱۲
Background image

د مهاجرینو چارو وزیر د فراه له والي سره وکتل

د مهاجرینو او راستنېدونکو چارو وزیر محترم مولوي عبدالکبیر نن په خپل کاري دفتر کې د فراه له والي محترم ملا محمد حافظ مجاهد سره وکتل.
په پیل کې محترم ملامحمد حافظ مجاهد په فراه کې د. . .
شنبه ۱۴۰۵/۸/۳۰ - ۱۵:۱
Background image

د مهاجرینو چارو وزیر د بغلان ولایت له یو شمېر علماوو او مسوولینو سره ولیدل

د مهاجرینو او راستنېدونکو چارو وزیر محترم مولوي عبدالکبیر نن په خپل کاري دفتر کې د بغلان ولایت له یو شمېر علماوو او مسوولینو سره ولیدل.
په دغې لیدنه کې د بغلان ولایت علمای کرامو او. . .
چهارشنبه ۱۴۰۵/۸/۶ - ۱۴:۰
Background image

د مهاجرینو چارو وزارت او یوناما ترمنځ د راستنو شویو او بېځایه شویو د پالیسیو او لارښودونو نهايي کولو په اړه مشورتي ناستې وشوې

د وزارت د پلان او پالیسۍ او دایمي حل‌‌لارو موندنې رییسانو او د افغانستان لپاره د ملګرو ملتونو مرستندویه پلاوي(یوناما) د دایمي حل‌‌لارو سلاکارې اغلې فرحانه سټوکر ترمنځ ګډې مشورتي ناستې. . .

بېرته خبرونه ته