د مهاجرینو چارو وزیر د پکتیکا ولایت د برمل ولسوالۍ له درنو ولسونو سره ولیدل
د مهاجرینو او راستنېدونکو چارو وزیر الحاج خلیل الرحمان حقاني پکتیکا ولایت ته د خپل سفر په ترڅ کې ددغه ولایت د برمل ولسوالۍ له علماءو، سپین ږیرو او ددغه ولسوالۍ له ملکي او نظامي پرسونل سره ولیدل او د هغوی ستونزې او مشکلات یې واوریدل
ښاغلي حقاني وویل؛ زمونږ جنګ او دښمني د الله ددین لپاره وه، اوس چې اشغال ختم او اسلامي نظام نافذ دی مونږ له هیچا سره بد نه لرو نن د صبر، تحمل او یو بل منلو وخت دی
هغه همدا راز په دغه ولسوالۍ کې په نږدې ۵۰۰ بې وزله کورنیو، چې له سروی وروسته مستحقې پېژندل شوې وې د خوراکي توکو مرستې وویشلې
ښاغلي حقاني په دغه ولسوالۍ کې د انګور اډې فرضي کرښې له دروازې څخه هم لیدنه وکړه
