د مهاجرینو چارو وزارت مالي او اداري مرستیال د اوچا له استازي سره ناسته وکړه
د مهاجرینو او راستنېدونکو چارو وزارت مالي او اداري مرستیال محمد ارسلاح خروټي د افغانستان لپاره د ملګرو ملتونو د مرستو همغږي کوونکې ادارې (OCHA) له استازي ښاغلي شمس خلیلي سره په خپل کاري دفتر کې وکتل
په دغه ناسته کې د بشري مرستو په رسولو کې د موسساتو په ستونزو او د مرستو په شفافیت خبرې وشوې، ښاغلي خروټي ډاډ ورکړ، چې په اړه به یې د اسلامي امارت له لزوم دید سره سم د حل په موخه لازم اقدامات ترسره کړي
شمس خلیلي وویل: "د اسلامي امارت له راتګ سره دوه خبرې، چې مونږ پرې په نړیواله کچه اعتراف کوو، یوه د امنیت موضوع ده، چې له امله یې بشري مرستې د هېواد هرې سیمې ته رسېږي، او دویم د شفافیت موضوع ده، چې د اسلامي امارت چارواکي ورته ژمن دي او له امله یې د مرستو په رسولو کې روڼتیا رامنځه شوې ده"
