د مهاجرینو او راستنېدونکو چارو سرپرست وزیر محترم مولوي عبدالکبیر د کډوالو نړیوال سازمان د دفتر له رئیس محمد عبدیکر او مل پلاوي سره وکتل.

sadam_morr
چهارشنبه ۱۴۰۴/۵/۱۵ - ۸:۱۷
_
د مهاجرینو او راستنېدونکو چارو سرپرست وزیر محترم مولوي عبدالکبیر د کډوالو نړیوال سازمان د دفتر له رئیس محمد عبدیکر او مل پلاوي سره وکتل.
په دې ناسته کې چې له ښاغلي محمد عبدیکر سره، د اسیا لپاره د کډوالو نړیوال سازمان سیمه یـیز مسوول ایوري کاتو او د افغانستان لپاره د یاد سازمان مشرې میهیونګ پارک هم حضور لرلو، د افغان کډوالو پر ملاتړ او په راتلونکې کې پر لاډېرو همکاریو خبرې وشوې.
ښاغلي محمد عبدیکر په افغانستان کې د وروستیو پرمختګونو او ثبات ستاینه وکړه او د کډوالو په برخه کې یې له نړیوالو ادارو سره د اسلامي امارت له همکاریو مننه وکړه.
نوموړي کابل ته د خپل سفر موخه د راستنېدونکو او افغان کډوالو ستونزو ته حللارې موندل او د لاډېرو مالي سرچینو جلب یاد کړ.
ښاغلي عبدیکر زیاته کړه، چې د کډوالو نړیوال سازمان له نورو ادارو سره په همغږۍ او ګډ‌ کار سره د راستنو شوو افغانانو ستونزو ته رسیدنه کوي او په دې برخه کې یې د اسلام امارت کړنې اغېزمنې وبللې.
هغه په افغان ټولنه کې د راستنو شوو پر دایمي مېشت کېدو ټېنګار وکړ او په دې برخه کې یې د کډوالو د نړیوال سازمان د همکارۍ او مرستې یادونه وکړه.
محمد عبدیکر هرات ته، خپل وروستی سفر ته په اشارې سره وویل، چې د افغان راستنېدونکو او کورني بیځایه شوو د ستونزو حل په موخه به کره معلومات د ملګرو ملتونو له مسوولینو او مالي ملاتړ کوونکو سره شریک کړي او همدارنګه، په راتلونکې کې یې د لاډېرې همکارۍ ژمنه وکړه.
محترم مولوي عبدالکبیر د کډوالو نړیوال سازمان پلاوي ته ښه راغلاست وویل او له افغان راستنېدونکو سره یې د یاد سازمان له مرستو ستاینه وکړه.
محترم وزیر اقلیمي بدلونونه او د تېرو څو لسیزو ناخوالې د افغانستان د کمزوري اقتصاد لاملونه یاد کړ او زیاته یې کړه، تر هغه چې افغانان پر خپلو پښو دريږي نړیوالو بشري مرستو ته اړتیا لري.
د محترم وزیر په وینا چې په جبري او ډله ییز ډول د افغان کډوالو له ایستلو او د هغوي د پانګې او توکو له ضایع کېدو څخه باید مخنیوي وشي.
د ناستې پر دوام محترم وزیر د کډوالو لپاره د دایمي سرپنا په رغولو کې د نړیوالو د مرستې غوښتنه وکړه او زیاته یې کړه، چې د راروان ژمي په رارسیدو سره به د راستنو شوو ستونزې ډېرې شي.
د ناستې په پای کې محترم مولوي عبدالکبیر د کډوالو نړیوال سازمان پلاوي ته د هر ډول همکارۍ ډاډ ورکړ.

تازه خبرونه

شنبه ۱۴۰۵/۸/۳۰ - ۱۵:۱۲
Background image

د مهاجرینو چارو وزیر د فراه له والي سره وکتل

د مهاجرینو او راستنېدونکو چارو وزیر محترم مولوي عبدالکبیر نن په خپل کاري دفتر کې د فراه له والي محترم ملا محمد حافظ مجاهد سره وکتل.
په پیل کې محترم ملامحمد حافظ مجاهد په فراه کې د. . .
شنبه ۱۴۰۵/۸/۳۰ - ۱۵:۱
Background image

د مهاجرینو چارو وزیر د بغلان ولایت له یو شمېر علماوو او مسوولینو سره ولیدل

د مهاجرینو او راستنېدونکو چارو وزیر محترم مولوي عبدالکبیر نن په خپل کاري دفتر کې د بغلان ولایت له یو شمېر علماوو او مسوولینو سره ولیدل.
په دغې لیدنه کې د بغلان ولایت علمای کرامو او. . .
چهارشنبه ۱۴۰۵/۸/۶ - ۱۴:۰
Background image

د مهاجرینو چارو وزارت او یوناما ترمنځ د راستنو شویو او بېځایه شویو د پالیسیو او لارښودونو نهايي کولو په اړه مشورتي ناستې وشوې

د وزارت د پلان او پالیسۍ او دایمي حل‌‌لارو موندنې رییسانو او د افغانستان لپاره د ملګرو ملتونو مرستندویه پلاوي(یوناما) د دایمي حل‌‌لارو سلاکارې اغلې فرحانه سټوکر ترمنځ ګډې مشورتي ناستې. . .

بېرته خبرونه ته