د مهاجرينو چارو وزارت مرستيال قندهار ته ولاړ
د مهاجرينو او راستنېدونکو چارو وزارت مرستيال الحاج محمد ارسلاح خروټی د لړم په (۲۱) مه قندهارته په يو رسمي سفر ولاړ.
د ښاغلي خروټي د سفر موخه ، د بېځايه شوو د وضعيت څېړنه، د مهاجرينو د ښار ګوټو څخه ليدنه،د سپين بولد د لارې ليدل، د راستنېدونکو د وضعيت څېړنه او د همکارو مرستندويه بنسټونو د استازو سره ليدنه وه.
هغه همدارنګه د قندهار ولايت د مهاجرينو رياست څخه ليدنه وکړه.
د قندهار ولايت د مهاجرينو چارو رئيس مولوي محمد يعقوب جار الله په دغه رياست کې د شته ستونزو او ننګونو يادونه وکړه او ښاغلی خروټي د هغه ستونزې واورېدې او د چارو د لا ښه والي په اړه يې ورته لازمې لار ښوونې وکړې.
