د مهاجرينو او راستنېدونکو چارو وزارت له لوري د نيكمرغه لوى اختر د لمانځه مراسم ترسره شول

anwari_morr
شنبه ۱۴۰۴/۳/۱۷ - ۱۰:۱۶
-
 
په دغو مراسمو کې د مهاجرينو او راستنېدونکو چارو د محترم وزیر په ګډون د بهرنيو چارو محترم وزیر مولوي امیرخان متقي، د امر بالمعروف، نهې المنکر او شکایتونو اورېدلو محترم وزیر شیخ محمد خالد حنفي، د اوبو او برښنا محترم وزیر عبداللطیف منصور، د بېلابېلو وزارتونو یو شمېر معینانو، په کابل کې مېشتو یو شمېر سفیران، دیپلوماتانو او د امارتي ادارو ګڼ شمېر مسوولینو برخه لرله.
محترم مولوي عبدالکبیر، د وینا پر مهال راغلو مېلمنو او حاضرو دیپلوماتانو ته ښه راغلاست وویل او زياته يې کړه، چې اختر د مسلمانانو لپاره د خوښۍ او یووالي ورځ ده، چې له نیکمرغه په افغانستان کې د اسلامي نظام له برکته د امن په فضا کې نمانځل کېږي.
محترم مولوي عبدالکبیر د یتیمانو لاس نیوي او د شهیدانو د کورنیو پوښتنه د ټول ولس مسوولیت یاد کړ او په وینا یې چې د اسلامي امارت مسؤولين او عام وګړي دې، همدارنگه له راستنو شوو هېوادوالو سره مرسته وکړي او له هغوی سره دې د اختر خوشحالۍ شریکې کړي.
د مهاجرینو چارو د وزیر په وینا، چې اسلامي امارت د راستنېدونکو افغان کډوالو د هرکلي لپاره په بشپړ ډول همغږي رامنځته، مرستې او همکارۍ یې منسجمې کړې او د راستنو شوو د ښه خدمت په موخه په ټولو ولایاتو کې ځانګړې کمېټې کار کوي او دغه راز د راستنېدونکو پروسه په ښه ډول مدیریت شوې ده.
محترم وزیر د افغان کډوالو له کوربه هېوادونو وغوښتل چې د کډوالو پر وړاندې له صبر کار واخلي او د پاکستان له چارواکو یې مننه وکړه، چې د افغان کډوالو پر وړاندې، زور زیاتی کم شوی او د اجبري ایستنې په لړۍ کې کمښت راغلی دی.
نوموړي د بشري مرستو پر نه سیاسي کېدو ټېنګار وکړ او پر مرستندویو ادارو یې غږ وکړ، چې راستنو شوو ته د سرپنا په جوړولو کې مرسته او همکاري وکړي.
محترم مولوي عبدالکبیر افغان ولس ته ډاډ ورکړ، چې د اسلامي امارت موخه د دیني احکامو تطبیق، د یووالي ټېنګښت او د هېواد ابادول دي. هغه زياته کړه، چې اسلامي نظام له نړۍ سره د اسلام په رڼا کې د مثبت تعامل پلوی دی.
محترم وزیر د افغانستان ټول قومونه سره وروڼه یاد کړل او وې وویل، چې هر افغان باید په خپله خاوره کې د سکون او اطمینان احساس وکړي.
محترم مولوي عبدالکبیر پر غزه د اسرائیلي پوځیانو بریدونه وغندل او هغه یې د بشریت پر وړاندې اقدامات وبلل.
د مهاجرینو چارو محترم سرپرست وزیر د وینا په پای کې حاضرینو او د نړۍ ټول اسلامي امت ته د نیکمرغه لوی اختر مبارکي وویله.

تازه خبرونه

دوشنبه ۱۴۰۴/۴/۱۶ - ۱۳:۴۹
Background image

د کډوالو چارو وزارت د همکارۍ دری هوکړه لیکونه لاسلیک کړل

د کډوالو او راستنېدونکو چارو وزارت د همکارۍ دری هوکړه لیکونه د ۲ میلیونه ۶ لکه ۴۴ زره او ۴۱۳ ډالرو په ارزښت د بشري حقونو د څېړنې او دفاع موسسې، د افغانستان لپاره د انصاري بیا احیا موسسې. . .
یکشنبه ۱۴۰۴/۴/۱۵ - ۲۰:۳
Background image

د مهاجرینو او راستنېدونکو چارو د سرپرست وزیر محترم مولوي عبدالکبیر په مشرۍ د وزارت اداري ناسته ترسره شوه.

 
په دې ناسته کې چې د مهاجرینو چارو مالي او اداري معین شیخ کلیم الرحمن فاني او د وزارت مرکزي رئیسانو ګډون کړي وو، له ایران څخه د افغان راستنېدونکو د لړۍ د ارزول شوي حالت او حل. . .
شنبه ۱۴۰۴/۴/۱۴ - ۱۱:۱۸
Background image

د مهاجرینو او راستنېدونکو چارو سرپرست وزیر محترم مولوي عبدالکبیر د کابل د جهادي مدرسې له مهتمم او علمای کرامو سره وکتل.

 
په دې ناسته کې چې د کابل د جهادي مدرسې مهتمم شیخ محمد ابراهیم سعید سربــېره شیخ محمد اسماعیل، شیخ محمد فقیر محمدي او شیخ عبدالغني هم حضور لرلو، د کابل د جهادي مدرسې محترم. . .

بېرته خبرونه ته