الحاج خلیل الرحمان حقاني د (IRC) له عمومي مرستیال سره ولیدل
د مهاجرینو او راستنېدونکو چارو سرپرست وزیر الحاج خلیل الرحمان حقاني د نجات نړيوالې کمېټې د نړۍ په کچه له عمومي مرستیال ښاغلي "باب کیچن " سره په خپل کاري دفتر کې ولیدل.
په دغه ناسته کې د مهاجرینو وزارت د مرستیال محمد ارسلاح خروټي په ګډون د (۵) اسیایي هېوادونو لپاره د (IRC) موسسې مشر عدنان جنید او د افغانستان لپاره ددغه موسسې مشرې ویکي اکن هم شتون درلود.
په یاده ناسته کې د افغانستان لپاره په بشري مرستو او د "آی آر سي " په راتلونکو برنامو خبرې وشوې.
د افغانستان لپاره ددغه موسسې مشرې "ویکي اکن " له اسلامي امارت او په ځانګړې توګه د مهاجرینو چارو له وزارت څخه مننه وکړه، چې له دوی سره یې د مرستو په رسولو کې هر ډول همکاري کړې.
دهغه په وینا، دا ډېر ښه فرصت دی، مخکې ولایتونو او لرې پرتو سیمو ته نشو تلای اوس په ډاډمنه توګه هرې سیمې ته سفر کولای شو اوس ددې وخت دی، چې په انکشافي برخه کې مرستې وشي.
ښاغلي حقاني له ښه راغلاست وروسته وویل مرستې باید زمونږ په هماهنګۍ او زمونږ تر نظارت لاندې ترسره شي، لرې پرتې سیمې چې مخکې مرستې ورته نه دي رسېدلې باید هلته مرستې ورسول شي.
