د ملګرو ملتونو د سرمنشي مرستیال او مل پلاوي د مهاجرینو چارو وزیر سره وکتل
د ملګرو ملتونو د سر منشي مرستیال ښاغلي مارتین ګریفتس، چې د ملګرو ملتونو ځانګړي استازي رمیز الکبروپ، د پاملرنې موسسې عمومي مشرې سوفیا سپریچمن، د سیف دی چلډرن موسسې مشرې جانتي سوریپتو، د یونیسف موسسې مرستیالې عمر عبدي یې ملتیا کوله د مهاجرینو او راستنېدونکو چارو وزیر الحاج خلیل الرحمان حقاني سره د هغه د د کار په دفتر کې ناسته ترسره کړه
په دغه ناسته کې د بشري مرستو په پراختیا، کاري تګلاره او د رامنځته شوو ستونزو په اړه خبرې وشوې ښاغلي مارتین وویل: مونږ ژمن یو، چې د مرستو رسولو کې ددین او کلتور مخالفت ونکړو، مونږ د مرستو د بندولو اراده نلرو، خو د مېرمنو د کاربندیز سره کارونه ټکني شوي دي نوموړي زیاته کړه، سږکال د بشري مرستو په برخه کې د افغانستان لپاره ترټولو زیاته بودیجه په نظر کې نیول شوې ده او ددې لپاره باید د یوښه میکانیزم په رامنځته کولو کې په ګډه کار وکړو د مهاجرینو چارو وزیر نوموړي ته د هرکلي ترڅنګ له افغانانو سره ددوی د مرستو مننه وکړه او ویې ویل: مونږ د نظام یوه برخه یو او د نظام د اصولو مطابق د مرستو په رسولو کې هرډول همکارۍ ته چمتو یو، نړیوال باید بشري مرستې له شرطونو سره ونه تړي، ښاغلي حقاني له نوموړي وغوښتل، چې دلته حقایق وویني او نړۍ ته د افغانستان حقیقي تصویر وړاندې کړي
