د څه باندې یو ملیون امریکایي ډالرو په ارزښت اته هوکړه لیکونه لاسلیلک شول

sadam_morr
پنجشنبه ۱۴۰۳/۳/۳ - ۱۱:۴۲
-

د مهاجرینو چارو وزارت او د ګلوبل ټولنې ودې او علمي څېړنې، د ټولنیزې پراختیا نوې لار، د افغانستان لپاره د تلپاتې موخو موسسه، د افغانستان د ودې او بیارغونې همغږۍ، د افغاني ټولنې روغتیا او بیارغونې، د جاپان خیریه مرستو نړیوال معاونیت پلاوی او د افغانانو لپاره د ښوونیزو، بشري او روغتیايي پرمختګونو موسسو ترمنځ د یو ملیون او ۷۹ زره او ۱۱۱ امریکایي ډالرو په ارزښت  اته هوکړه لیکونه لاسلیلک شول

د دې هوکړه لیکونو پر بنسټ، د افغاني ټولنې د روغتيا او بيارغونې موسسه به په کندهار، هلمند، زابل، ارزګان او نیمروز ولایتونو کې د سرپنا جوړولو، د سرپناوو په سيمو کې د ماينونو پاکولو، د نغدي مرستو وېش او د ٧٦٠ کورنيو لپاره د ظرفیت لوړونې د پروګرام په برابرولو کې د ۴سوه ۳۹ زره او ۷۲۵ ډالره لګوي.

د جاپان د خیریه مرستو موسسه په ننګرهار ولایت کې ۶۰۰ کورنیو ته د دریو میاشتو لپاره د کوپون د وېش په برخه کې ۳ سوه ۱۵ زره او ۸۵۴ ډالره مرسته کوي، د نړیوال  معاونیت پلاوي موسسه د پوهنې، اړتیاوو ارزونې، د لومړنیو ودانیزو توکو او د روغتیايي کڅوړو د وېش او په بلخ ولایت کې د ۲ زره او ۷۸۹ تنو لپاره د ټولګیو په جوړولو کې په برخو کې یو سل او ۱۱۵ زره او ۲۳۶ ډالره.

 د ټولنیزې پراختیا نوې لار موسسه په بغلان او کندز ولایتونو کې د ۱۲۰۰ کورنیو ته د خوراکی او غیر خوراکي توکو د وېش لپاره ۸۶ زره ۳۳۸ ډالره ځانګړي کړي دي. د ګلوبل ټولنې د علمي څیړنو او ودې موسسه په کابل، بغلان او کندز ولایتونو کې د ۴۶۰ کورنیو ته د خوراکی توکو د مرستو په وېش لپاره  ۷۸ زره او ۶۷۸ ډالره لګوی.

په همدې ډول د افغانستان د پراختیا او بیارغونې د همغږۍ موسسه په بادغیس ولایت کې د ۵ زره کورنیو لپاره د خوراکي توکو د وېش په برخه کې ۲۳ زره او ۲۸۰ ډالر او د افغانستان د تلپاتې موخو او د افغانانو لپاره د ښوونیزو، بشري او روغتیايي پراختیايي پرمختګونو موسسې هلمند ولایت کې ۱۶۰ کورنیو ته د خوراکي توکو د وېش په برخه کې ۲۳زره او ۲۸۰ ډالره لګوي.

دغه هوکړه ليکونه د وزارت د مسلکي مرستیال مولوي عبدالرحمن راشد او د پورته بنسټونو د استازو له خوا لاسليک شول.

 

تازه خبرونه

سه‌شنبه ۱۴۰۳/۴/۲۶ - ۱۳:۴۱
Background image

د چین د بشري مرستو لومړۍ جوپه د مهاجرینو چارو وزارت ته وسپارل شوه

د داخلي بې ځايه شويو او راستنېدونکو د بيامېشتېدنې لپاره د چين حکومت د بشري مرستو لومړۍ جوپه د مهاجرینو چارو وزارت ته وسپارل شوه.
د چین سفیر ښاغلي ژاو شینګ وویل: موږ ټول پوهیږو چې د. . .

دوشنبه ۱۴۰۳/۴/۲۵ - ۲۰:۹
Background image

د مهاجرینو چارو وزیر او د ازموینو ملي ادارې رییس سره ولیدل

د مهاجرینو او راستنېدونکو چارو وزیر الحاج خلیل الرحمن حقاني د ازموینو ملي ادارې له رییس شیخ عبدالباقي حقاني سره د خپل کار په دفتر کې ولیدل.

په دې لیدنه کې د دواړو لورو ترمنځ د. . .
یکشنبه ۱۴۰۳/۴/۲۴ - ۲۲:۴۲
Background image

د روسي اشغال پرضد جهاد ددې لامل شو، چې افغانان د امریکا د ماتې ویاړ هم ترلاسه کړي

د مهاجرینو او راستنېدونکو چارو وزارت سرپرست الحاج خلیل الرحمان حقاني د شمال زون د مختلفو ولایتونو له علماو، قومي مشرانو او مخورو سره په ناسته کې وویل: د روس پرضد د جهاد برکت و، چې. . .

بېرته خبرونه ته