د کډوالو او بېرته راستنېدونکو چارو وزیر د جاپان له سفیر سره وکتل

sadam_morr
سه‌شنبه ۱۴۰۳/۱۱/۱۶ - ۲۱:۵
_
د کډوالو او بېرته راستنېدونکو چارو سرپرست وزیر محترم مولوي عبدالکبیر، د افغانستان لپاره د جاپان له سفیر ښاغلي تاکایوشي کورومایا، سره وکتل.
په دې ناسته کې، د جاپان سفیر د افغانستان د کډوالو او بېرته راستنېدونکو چارو د مخکیني وزیر الحاج خلیل الرحمن حقاني، د شهادت له امله د خواخوږۍ او تسلیت مراتب وړاندې کړل.
هغه وویل، چې جاپان له ۲۰۲۱ کال راهیسې له افغانانو سره بشري مرستو ته دوام ورکړی دی. یوازې د تېر ډیسمبر میاشت کې یې له ایران او پاکستان څخه راستنېدونکو کډوالو ته ۱.۵ میلیونه ډالر مرسته اعلان کړه، چې دا مرستې به له ایران او پاکستان راستنېدونکو کډوالو لپاره د مؤقتي استوګنځي، روغتیا، زده کړو او ابتدایی اړتیاوو لپاره وکارول شي.
نوموړي زیاته کړه، چې له دې وړاندې جاپان د افغانستان لپاره ۲۷.۵ میلیونه ډالر بشري مرسته اعلان کړې وه، چې په روغتیا، زده کړو، د نشه‌یي توکو پر وړاندې مبارزه، بدیل معیشت، د اوبو مدیریت، او اقلیمي بدلون برخو کې به ولګېږي. هغه ټینګار وکړ چې جاپان غواړي افغانستان ثبات ته ورسېږي او په دې برخه کې د اسلامي امارت همکاري مهمه ده.
د کډوالو او بېرته راستنېدونکیو چارو سرپرست وزیر محترم مولوي عبدالکبیر، د جاپان سفیر ته د ښه راغلاست ترڅنګ هیله څرګنده کړه چې دا ډول ناستې به د اسلامي امارت او جاپان ترمنځ اړیکې لا پیاوړې کړي. هغه له افغان کډوالو سره د جاپان د بشري مرستو قدرداني وکړه او ټینګار یې وکړ چې بشري مرستې باید سیاسي رنګ ونه لري. هغه وویل، ګاونډي هېوادونه دې په زوره د افغان کډوالو د ایستلو بهیر ودروي او اجازه دې ورکړل شي چې هغوی په داوطلب شکل هېواد ته راستانه شي.
محترم مولوي عبدالکبیر په دې ناسته کې وویل، چې راستنېدونکي افغان کډوال او بېځایه شوي افغانان بشري مرستو ته اړتیا لري او پکار ده چې اړونده مرستندویه ادارې عاجلې مرستې وکړي.
نوموړي وویل، چې خپلو اصلي مېنو ته د راستنېدونکیو افغان کډوالو او کورني بېځایه شوي، د ستنېدو او د هغوی لپاره د ژوند د لازم چاپېریال برابرېدو ته باید کار وشي.
د ناستې په پای کې، دواړو لورو د دوامدارو مثبتو اړیکو او همکاریو پر پیاوړتیا ټینګار وکړ.

تازه ترین خبر

یکشنبه ۱۴۰۴/۷/۲۰ - ۱۵:۱۴
Background image

وزیر امور مهاجرین و عودت‌کنندگان، با مسئولین اتشه مهاجرین افغان در پاکستان دیدار کرد

محترم مولوی عبدالکبیر، وزیر امور مهاجرین و عودت‌کنندگان، با مسئولین اتشه مهاجرین افغان در کشور پاکستان در دفتر کارش دیدار و گفتگو کرد.
نمایندگان و مسئولین دفتر اتشه مهاجرین گزارشی از. . .

جمعه ۱۴۰۴/۷/۱۸ - ۲۰:۴۹
Background image

وزیر امور مهاجرین و عودت کننده گان با نماینده گان مهاجرین ولسوالی نکی ولایت پکتیکا دیدار کرد

محترم مولوی عبدالکبیر وزیر امور مهاجرین و عودت کنندگان با نمایندگان مهاجرین ولسوالی نکی ولایت پکتیکا، در دفتر کارش، دیدار کرد.
این بزرگان قومی از پکتیکا که در حال حاضر در ولایت خوست. . .

پنجشنبه ۱۴۰۴/۷/۱۷ - ۸:۵۹
Background image

وزیر امور مهاجرین و عودت کننده گان با سه تن از مقامات امارت اسلامی دیدار کرد

محترم مولوی عبدالکبیر وزیر امور مهاجرین و عودت کنندگان در دفتر کاری خود، با سه تن از مقامات امارت اسلامی دیدار کرد.
در این دیدار که معینان وزارت های ترانسپورت و هوانوردی، امور شهدا و. . .

بازگشت به خبر