د مهاجرینو چارو وزارت اونیزه اداري ناسته ترسره شوه
د مهاجرینو او راستنېدونکو چارو وزیر الحاج خلیل الرحمان حقا ني په مشرۍ ددغه وزارت د مرستیالانو، رئیسانو او مستقلو آمرینو ترمنځ اونیزه اداري ناسته ترسره شوه
په دغه ناسته کې د تېرې ناستې د پریکړو په تعقیب، په ایران او پاکستان کې د مهاجرینو په ستونزو، د راستنېدونکو لپاره د ښارګوټو د ویش په میکانیزم دا خلي بې ځایه شوو ته د مرستو د ویش په میکانیزم او نورو د وزارت اړوند کارونو په اړه خبرې وشوې
لومړی ښاغلي حقا ني پیلیزه وینا وکړه، نوموړي وویل، هره اداره باید له بلې ادارې سره همکاره ووسي، په ځانګړي ډول د تفتیش ریاست سره باید ټول همکار یو، ترڅو فساد ته لار خلاصه نشي
وروسته مالي او اداري مرستیال محمد ارسلاح خروټي وینا وکړه، نوموړي ټینګار وکړ، چې نوې تقررۍ دې د قانون مطابق د اداري اصلاحاتو له لارې وشي، ترڅو وړ او مسلکي اشخاصو ته د خدمت زمینه برابره شي
د ناستې په پای کې د کارونو د لا ښه ترسره کېدو لپاره د ټولو ګډونوالو نظرونه واورېدل شول
ښاغلي حقا ني رئیسانو ته لازمې لارښوونې او سپارښتنې وکړې او د کارونو په خپل وخت د اجرا کېدو غوښتنه یې وکړه
ناسته د دفتر رئیس مولوي محمد جان په دعا سره پای ته ورسېده
نور عکسونه ..
