د مهاجرینو چارو وزیر: راسپارل شوي مسؤولیتونه باید په غوره طریقه سر ته ورسوو
د مهاجرینو او راستنېدونکو چارو وزارت ولایتي رئیسانو او مستقلو آمرینو ته د روزنیز ورکشاپ په پیل غونډه کې ددغه وزارت سرپرست الحاج خلیل الرحمان حقا ني وویل: په دغه ورکشاپونو د بیت المال او د ولس پیسې مصرفیږي او که مونږ ښه استفاده ترې ونکړو نو د الله او ولس پروړاندې به مسؤول یو
نوموړي زیاته کړه، الله تعالی مونږ او تاسو ته ژوندي روحونه راسپارلي، ډېرې کونډې، یتیمان، بې وزله او بې ځایه شوي خلک مونږ او تاسو ته په تمه دي، دلته مونږ او تاسو د یوه مسؤلیت له مخې راغونډ شوي یو او له فرصت څخه په ګټه اخستنې باید د خدمت ټول مراجع او مواضع معلوم کړو
نوموړي له ټولو مسؤولینو وغوښتل، خپل کاري راپورونه باید وخت په وخت له وزارت سره شریک کړي
