په تېره یوه میاشت کې د پاکستان له زندانونو څخه په سلګونو افغان بندیان ازاد شول
په تېره یوه میاشت کې ۶۸۸ تنه افغان بندیان، چې د پاکستان په بند خونو کې و؛ ازاد او هیواد ته راستانه شول. د کندهار ولایت د سپین بولدک د مهاجرینو د لیږد امریت د معلوماتو پر اساس یاد شوي کسان د اسنادو پر درلودو سر بېره د پاکستان په بېلابېلو سیمو کې نیول شوي و او د یوې ورځې څخه تر ۷ ورځو پورې په بند خونو کې ساتل شوي وو.