جوزجان ولایت کې ۱۶۸ تنو ته د مسلکي کار وسایل ووېشل شول

د جوزجان ولایت، د فیض‌اباد، آقچه، خانقاه ولسوالیو او مرکز کې ۱۶۸ تنو راستنو شويو او بېځایه شوو ښځینه او نارینه وو ته، د ثور میاشتې په ۲۱مه نېټه، د مسلکي کار وسایل ووېشل شول.
یاد کسان له دې مخکې د څلور میاشتو په موده کې د موټرسایکل، موټر، موبایل ترمیم، خیاطي، فلزکارۍ، غالۍ اوبدلو، سلماني او پایپ‌لګولو په برخو کې مسلکي زده کړې ترلاسه کړې وې، چې له هغې وروسته د دې وزارت له همکارې ادارې لخوا اړوند برخو ته د کار وسایل ورکړل شول.